DANIEL 2:30 - BIBEL JAMITA NA DENGGAN

³⁰ Saonnari madung dipataridahon tu au rahasia i, nada hara ni na ummalo au sian angka na asing i, tapi anso bisa do botoon ni raja i taringot tu nipi ni raja i jana anso bisa diastui raja i taringot tu angka pikiran na ro tu raja i sandiri.

DANIEL 2:30 ပူးပေါင်းရင်းမြစ်များ

PAMUNGKAAN 41:16

Ninna si Josep ma mangalusi, “Nanggo au da rajanami, tapi Debata do na giot mangalehen hatorangan na tumbuk.”

MASMUR 139:2

Diboto Ho do sude pambaenanku; sian na dao diboto Ho do pikiranku.

JESAYA 45:4

Hara ni naposongKu si Jakob dohot Israel pilianKi, pioonKu ma ho marhite goarmu, manggoari ho, haru pe so ditanda ho dope Au.

DANIEL 1:17

Dilehen Debata ma tu doli-doli na opat i bisuk dohot hamaloon di parbinotoan taringot tu hata dohot ragam ni angka surat. Tambani i dilehen Ia muse do tu si Daniel hamaloon laho patorang parnidaan dohot nipi.

DANIEL 2:47

Didok raja i ma, “Tutu do Daniel, gumodang do Debatami sian sandok debata. Guru diSia do sude raja, jana na margogo mambuka rahasia. Huboto pe na songon i, hara ni na bisa do ho patorangkon astuan ni rahasia on.”

DANIEL 2:49

Tapi hombar tu pangidoan ni si Daniel, dipasahat raja i ma laho mangarajai propinsi Babel tu si Sadrakh, si Mesakh dohot si Abednego, tapi anggo si Daniel sandiri maringanan di bagas godang ni raja i ma.

AMOS 4:13

Dolok dohot alogo, Tuhan do manompasa; dipabotohon Ia do sangkapNia tu jolma manusia. Diuba Ia do arian gabe borngin, jana di puncu ni angka dolok Ia mardalani. Tuhan, Debata Na Markuaso, i do goarNia.

MATEUS 24:22

Tapi madung dipapendek Debata hatihana i. Sugari nada, umpe sahalak jolma na tarbaen tahan. Tapi hara ni bangsoNia i, gabe dipapendek Debata do hatihana i.

MARKUS 13:20

Sugari na so dipapendek Debata na masa i, umpe sahalak na tarbaen malua. Tapi hara ni halak na nitodoNia i, gabe dipapendek Debata ma na masa i.”

BAENON NI ANGKA RASUL 3:12

Di na niida ni si Petrus halak na bahat i, didok ia ma tu halahi, “Hamu ale halak Israel, biasi pola homang rohamunu? Adong he ninna rohamunu hara ni na adong kuaso di hami sanga hara ni haburjuonnami gabe tarbaen bayo on mardalan?

SURAT NI SI PAULUS TU PARLAGUTAN ROM 8:28

Taboto do, Debata do na mangatur sasudena, anso gabe manjalak tu dengganna di angka halak na mangkaholongi Ia jana na nipiohonNia hombar tu sangkapNia.

2 KORINTUS 4:15

Mardomu tu na hasaya di hamu do sudena i. Angke muda mur bahat halak mandai holong ni roha ni Debata, mur bahat muse do tangiang tarimakasi na nipasahat tu Debata; jadi muda songon i, marsangap ma Debata.