DANIEL 2:22 - BIBEL JAMITA NA DENGGAN

²² Dibuka Ia do rahasia na lobi bagas. Diboto Ia do sude na tarjadi di bagasan hagolapan. Jana sinondang maringan di bagasan Ia.

DANIEL 2:22 ပူးပေါင်းရင်းမြစ်များ

PAMUNGKAAN 41:16

Ninna si Josep ma mangalusi, “Nanggo au da rajanami, tapi Debata do na giot mangalehen hatorangan na tumbuk.”

JOB 12:22

Dipatorang Ia inganan na mangarambon, disondangi Ia angka halinu na golap mangalomlom.

JOB 26:6

Di adopan ni Debata, talak do inganan ni na marmatean, nada martutup gabe tangkas diSia haidaan.

MASMUR 104:2

maruloskon sinondang na torang do Ho. Dipahembang Ho do langit songon undung-undung,

MASMUR 25:14

Ale-ale ni Tuhan do halak na mabiar tuSia jana dipaboa Ia do janjiNa tu halahi.

MASMUR 36:9

Ho do mual haroroan ni ngolu di sude na adong, di bagasan sinondangMu hami ida na torang.

PARJAMITA 8:1

Tabona i antong halak na marbisuk. Diboto ia do alus ni sude parkaro. Mikim do ia marjop ni roha pambaen ni bisuk i, gabe mago ma sian bohina na markeruti.

JESAYA 41:22

Ro ma hamu tuson jana dokkon ma tu hami, aha do na giot tarjadi. Pajojor ma na masa di hatiha na salpu, patorang ma astuanna anso binoto tontu.

JESAYA 41:26

Ise sian hamu na paboa alatan sian mulana anso tardok hami, ‘Tutu do i’? Hape nada jungada adong sian hamu na paboa alatanna, sahalak pe nada adong umbege hamu mandok hata.

JESAYA 42:9

Angka na disurirangkon humani madung tarjadi, saonnari na imbaru noma sipaboaonKu tu hamu haru pe nada tarjadi dope i.”

JESAYA 45:7

Au do manjadihon na torang dohot na golap, Au do parohon pasupasu dohot bura. Hum sasada Au sajo do Tuhan, sudena i madung Hupadalan.

JEREMIA 23:24

Sahalak pe nada adong na tarbaen buni sian parnidaanKu. Angke di sude inganan do Au adong: Di banua ginjang sanga di tano on.

JEREMIA 33:3

“Pio-pio ma ho tu Au, jadi gabe alusanKu ma; giot paboaonKu tu ho angka pangalaho na jeges-jeges jana na pahomang roha na so diboto ho dope.

DANIEL 2:11

Na maol do na nipangido ni raja i, sahalak pe nada adong na bisa paboahon i, asing sian angka debata, na so sainganan dohot jolma.”

DANIEL 2:19

Laing di borngin i dipaboa Debata ma tu si Daniel arti na di bagasan sada parnidaan. Jadi dipuji si Daniel ma Debata na di banua ginjang i.

DANIEL 2:47

Didok raja i ma, “Tutu do Daniel, gumodang do Debatami sian sandok debata. Guru diSia do sude raja, jana na margogo mambuka rahasia. Huboto pe na songon i, hara ni na bisa do ho patorangkon astuan ni rahasia on.”

DANIEL 5:11

Angke adong do di harajaan ni raja i sada bayo na nirajaan ni angka tondi ni debata na badia. Taran amanta ni raja i mamarenta tarida do bahaso na tutu bayo i maniop hapistaran, parbinotoan dohot bisuk, tudos tu habisuhon ni angka debata. Amanta ni raja i Raja Nebukadnesar madung mangangkat bayo i gabe pamimpin ni angka na malo manjujur, na malo marjampi-jampi, angka halak na marilmu dohot angka na umboto parhalaan.

DANIEL 5:14

Hubege dirajai angka tondi ni debata na badia do ho, jana adong do di ho hapistaran, parbinotoan dohot bisuk na sumurung.

MATEUS 13:13

Hara ni i do umbaen na mamake umpama Au muda mandok hata tu halak na bahat. Angke haru pe marnida halahi, hape laing songon na so marnida do. Marbinege do halahi, hape songon halak na so marbinege do, jana nada mangastui!

JOHANNES 1:9

Torang na tutu na manorangi sandok jolma, ro tu portibi on.

JOHANNES 21:17

Patolu-nolihon laing disapai Jesus dope tusia, “O Simon anak ni si Jona. Holong do rohamu mida Au?” ning Ia. Gabe marsak ma si Petrus hara ni na nisapaan ni Jesus i ia jabat tolu noli di na nidok ni Jesus, “Holong dehe rohamu mida Au?” Tapi laing dialusi si Petrus ma, “O Tuhan diboto Ho do Tuhan sasudena. Diboto Ho do Tuhan na holong rohangku mida Ho!” Dung i didok Jesus ma tusia, “Antong parmahani ma angka biri-biringKi.

JOHANNES 8:12

Didok Jesus dope mangulahi tu halahi, “Au do sinondang ni portibi on. Dapotan sinondang hangoluan do sanga ise na mangihutkon Au. Nada be mardalan di na golap halahi.”

1 KORINTUS 4:5

Antong, anggo so dapot dope hatihana, ulang ma matibutu tontuhon hamu marsala sada-sada halak sanga nada. Painte hamu ma lopus tu haroro ni Tuhan i. BukaonNia do sude angka rahasia na buni di na golap. RungkaranNia ma sudena rahasia na buni na di bagasan roha ni jolma. Di hatiha i pe anso jagiton ni halak ganop pujian na patut jagitonna sian Debata.

EPESUS 3:5

Anggo najolo na so unjung do dipaboa-boa rahasia i tu jolma, tapi anggo saonnari madung dipatangkas Tondi i tu angka rasul bope tu angka panurirangNia na badia i.

PANGARATAION 29:28

Ma pola marsijongjong rimas ni Tuhan maradopkon bangsoNia i, jana di bagasan rimasNia na jorbut i, diumpat Ia ma bangso Israel sian tano ni halahi i lalu diambungkon halahi tu tano sileban, jana disi ma halahi saonnari maringanan.’

1 TIMOTEUS 6:16

Hum Ia sajo do na so tarkuasoi hamatean; di bagasan sinondang na so hadonohan sanga ise pe. Nada adong sahalak jolma pe na jungada marnida Ia, sanga na tarbaen marnida Ia. Angkon lehenon ma nian tuSia sangap dohot kuaso salolot-lolotna! Amen.

IBRANI 4:13

Umpe sada sian na nitompa i na buni, na so niida ni Debata. Talak do sudena jana patar di joloNia. Jana angkon lehenonta do tuSia partanggungjawabanta.

JAKOBUS 1:17

Ganop silehen-lehen na denggan jana na sanggam sian banua ginjang i do ro; na nipaijur ni Debata na manompa sasudena na torang di langit i do sudena i. Ia do Debata na so muba-uba, jana nada mandao muse Ia sian hita, gabe adong do tading halinuNa humaliang hita.

1 JOHANNES 1:5

Anggo jamita na hami jagit sian Anak Ni Debata jana na hami paboa tu hamu, on do: Na torang do Debata i, jana nada adong hagolapan bagi aha pe diSia.