DANIEL 2:14 - BIBEL JAMITA NA DENGGAN

¹⁴ Jadi didapotkon si Daniel ma si Ariokh, pamimpin ni pangawal ni raja i na ditugaskon mambunu angka na pistar.

DANIEL 2:14 ပူးပေါင်းရင်းမြစ်များ

PAMUNGKAAN 37:36

Jadi dung lalu di Mesir, manigor digadis halak Midian i ma si Josep tu si Potifar, i ma sada halak parpangkat na gabe kapala ni pangawal ni bagas godang.

JEREMIA 39:9

Ujungna angka rayat na tinggal dope di kota i dohot angka halak na dung sanga lari tu pihak ni halak Babel, dioban si Nebusaradan komandan ni tentara ni Babel i ma halahi tu Babel.

JEREMIA 52:12

Di tanggal sampulu bulan lima ditaon pasambilan bolaskon mamarenta si Nebukadnesar gabe raja ni Babel, ro ma sada halak tu Jerusalem na margoar si Nebusaradan. Panuturi dohot panglima ni tentara ni si Nebukadnesar.

JEREMIA 52:14

Dung i dirumpakkon angka parangannia i ma angka tembok ni kota i.

DANIEL 2:15

Manat-manat ma si Daniel marsapa tu si Ariokh sanga hara ni aha umbaen na ruar parenta ni raja i na songon i kejamna. Dipaboa si Ariokh ma tu si Daniel sanga aha na masa.

DANIEL 2:24

Dung i kehe ma si Daniel mandapotkon si Ariokh na disuru laho mamunu angka halak na pistar di Babel i. Didok si Daniel ma tusia, “Ulang bunu angka na pistar i. Oban ma au manopot raja i, angke giot paboaonku tu raja i sanga aha nipi i dohot astuanna.”