DANIEL 2:11 - BIBEL JAMITA NA DENGGAN

¹¹ Na maol do na nipangido ni raja i, sahalak pe nada adong na bisa paboahon i, asing sian angka debata, na so sainganan dohot jolma.”

DANIEL 2:11 ပူးပေါင်းရင်းမြစ်များ

PAMUNGKAAN 41:39

Jadi didok raja i ma tu si Josep, “Na nipaboa ni Debata do i sude tu ho, jadi tangkas ma di hami, ho do na umpistar dohot na umbisuk ulang sanga ise.

PAMUNGKAAN 41:8

Jadi dung torang ari, marsak ma da roha ni raja i, gabe disuru ia ma anso dipio sude datu parelmu dohot halak na pistar na adong di Mesir. Jadi dipaboa ia ma nipinia i tu halahi; tapi sahalak pe nada adong na tarbaen patorangkon astuanna.

1 RAJA-RAJA 8:27

“Tapi ale Debata, tarbaen Ho ma he tinggal di tano on? Haru sude langit i, hurang bidang dope gabe ingananMu, mur ma bagas na hupauli on!

2 JUJUR TAON 6:18

“Tapi ale Debata, tutu dehe tarbaen Ho maringanan di tano on di tonga-tonga ni jolma? Salang sude pe langit i nada tuk bidangna di Ho, mur ma bagas paribadatan na hupajongjong on?

MASMUR 132:14

Didok Ia do, “On ma ingananKu salolot-lolotna, dison ma por rohangKu marhabangsa.

MASMUR 68:18

Manaek ma Ia tu inganan na gincat mardongan sahala, bahat do dioban Ia angka na tartaban; jana dijagit Ia do silua somba-somba sian angka jolma, jana dohot sian angka pangalo, anso maringan. halahi rap dohot Tuhan Debata.

HARURUAR 29:45

Maringanan ma Au di tonga-tonga ni halak Israel, jana Au ma Debata ni halahi.

HARURUAR 8:19

gabe didok angka parelmu sihir i ma tu raja i, “Debata do mambaen on!” Tapi laing jogal do roha ni raja i, jana songon na nidok ni Tuhan, nada ra raja i manangihon si Musa dohot si Harun.

JESAYA 47:12

Martahan sajo ma ho marhite sude ajimetmi, na nipakemu sian hamenehanmi. Betak na marguna do i mangurupi ho, laho mambiar-biari.

JESAYA 57:15

Angke songon on do pandok ni Na Gumincat jana Na Marmulia na marhabangsa salolotna jana Na Sun Badia goarNa: “Di inganan na gincat jana badia do habangsangKu, tapi rap muse do dohot halak na magopu jana na toruk rohana, laho pangoluhon arop ni roha ni halak na toruk roha dohot laho pangoluhon roha ni halak na magopu.

JESAYA 8:18

On ma da au rap dohot angka dakdanak na nipasahat ni Tuhan tu au. Tuhan Na Markuaso i na mamarenta di Dolok Sion, Ia do na marsuru hami gabe angka saksi na mangolu tu halak Israel.

DANIEL 4:4

Sonang do au mangingani bagas godangku jana ngolungku marlobi-lobi.

DANIEL 5:11

Angke adong do di harajaan ni raja i sada bayo na nirajaan ni angka tondi ni debata na badia. Taran amanta ni raja i mamarenta tarida do bahaso na tutu bayo i maniop hapistaran, parbinotoan dohot bisuk, tudos tu habisuhon ni angka debata. Amanta ni raja i Raja Nebukadnesar madung mangangkat bayo i gabe pamimpin ni angka na malo manjujur, na malo marjampi-jampi, angka halak na marilmu dohot angka na umboto parhalaan.

JOEL 3:21

BaloskononKu ma mudar ni halahi tu halak na mamunu halahi, di Sion do Tuhan maringanan.”

BILANGAN 35:34

Ulang ramuni hamu tano na niingananmunu, angke Au do Debata, jana Au maringanan di tonga-tonga ni bangso Israel.”

MATEUS 19:26

Diligi Jesus ma halahi, ning Ia ma, “Anggo di jolma, na so tarbaen do i! Tapi anggo di Debata nada adong na so tarbaen!”

JOHANNES 1:14

Jadi madung gabe sibuk do Hata i, jana maringanan di tonga-tonganta, madung taida hamuliaonNia. Songon hamuliaon ni Anak Sasada na sian Ama i, na gok asi ni roha dohot hasintongan.

JOHANNES 14:17

i ma Tondi ni hasintongan. Nada tarjagit portibi on Tondi i, angke nada diida portibi on Ia jana nada ditanda halahi muse. Tapi anggo hamu, ditanda hamu do Tondi i angke rap dohot hamu do Ia tongtong mangolu, jana di bagasan hamu muse do Ia.

JOHANNES 14:23

Ninna Jesus ma mangalusi, “Sanga ise na mangkaholongi Au, ihutkononna do angka pangajaranKu. Haholongan ni Damang ma Ia. Ro ma Damang dohot Au sandiri mandapotkon ia jana maringanan ma Hami rap dohot ia.

2 KORINTUS 6:16

Aha ma he pardomuan ni Bagas Ni Debata dohot bagas ni gana-ganaan? Bagas Ni Debata na mangolu i do hita on, Debata sandiri pe didok Ia do, “Maringanan ma Au di tonga-tonga ni halahi, jana mangolu rap dohot halahi. Au ma gabe Debata ni halahi, jana gabe bangsongKu ma halahi.

HALUMBAAN 21:3

Dung i hubege ma sada sora na gogo sian habangsa i mandok, “Ligi ma, bandar ni Debata adong di tonga-tonga ni jolma, jana maringanan ma Ia di tonga-tonga ni halahi. Gabe Ia noma Debata ni halahi, jana halahi ma gabe bangsoNia.