DANIEL 12:9 - BIBEL JAMITA NA DENGGAN

⁹ Dialusi ia ma, “Kehe ma ho saonnari Daniel, harana angkon bunihonon do angka hata on jana rahasiahonon do i lopus tu hatiha na parpudi.

DANIEL 12:9 ပူးပေါင်းရင်းမြစ်များ

JESAYA 29:11

Buni ma di hamu arti ni sandok parnidaan, songon buku na nicap. Muda dioban ho tu halak na malo manyise, jana dipangido ho anso disise ia di ho, dokkononnia ma, nada malo au, angke dicap do antong buku i.

JESAYA 8:16

Hamu angka siseanku, angkon jagoonmunu jana momosanmunu do angka tona na nilehen ni Debata tu au.

DANIEL 10:14

Ro do au laho mambaen ho mangastui sanga aha na giot tarjadi sanoli on di bangsomu. Taringot tu hatiha na giot ro do parnidaan on.”

DANIEL 11:40

Muda marayak marujung ma kuaso ni raja Siria i, ro ma raja ni Mesir mamorangi ia. Jadi baloson ni raja ni Siria ma parangan i lopus marujung. Padohotonnia ma bahat kareta porang, kudo, dohot kapal. Mangaroro ma ia songon aek magodang jana solatonna bahat luat.

DANIEL 12:4

Dung i didok surusuruan i muse ma tu au, “Daniel, tutup ma Buku i saonnari jana baen ma segelna anso tongtong tutup Buku i lopus tu hatiha na parpudi. Bahat do halak na giot manangkasi sanga aha na giot tarjadi. Tapi nada adong gunana karejo ni halahi i.”

DANIEL 12:8

Tutu do antong sude na nidoknia i, tapi nada tarastui au. Jadi husapai ma, “Tuan, bia do ujung ni on sudena?”

DANIEL 8:26

Parnidaan taringot tu haul potang ari dohot manyogot i na dung dipatorang tu ho, situtu do i angkon masa. Tapi honok dope anso masa i; jadi tabunihonma jolo i.”

HALUMBAAN 10:4

Disi mangkuling ronggur na pitu i, giot suratkononku ma nian, hape hubege ma manigor sada sora sian banua ginjang na mandok, “Angkon rahasiahononmu do sanga aha na nidok ni ronggur na pitu i; ulang suratkon i!”