DANIEL 12:6 - BIBEL JAMITA NA DENGGAN

⁶ Disapai na sada ma tu na marpakean linen i, na jongjong di julu ni aek i, “Andigan dehe marujung angka hahomangan na tarjadi on?”

DANIEL 12:6 ပူးပေါင်းရင်းမြစ်များ

MASMUR 74:9

Nada haidaan be angka panurirang dohot angka tanda hahomangan, umpe sahalak umboto intap ni andigan laing songon on.

JEHESKIEL 9:2

Rap ruar ma onom halak sian ruar ni horbangan Utara ni Bagas Ni Tuhan i, marsioban sinjatana be. Rap dohot halahi adong muse halak na marpakean linen na maroban parkokas ni panyurat. Masuk ma halahi jana jongjong di lambung ni langgatan na sian tumbaga i.

DANIEL 12:5

Dung i huida ma dua halak bayo. Na sada jongjong di topi ni batang aek sabola bariba on, jana sahalak nari di topi na di baribaan.

DANIEL 12:8

Tutu do antong sude na nidoknia i, tapi nada tarastui au. Jadi husapai ma, “Tuan, bia do ujung ni on sudena?”

DANIEL 8:13

Dung i hubege ma sahalak surusuruan mandok tu donganna, “Sadia honok mardalan sude na tarida di bagasan parnidaan i? Intap ni andigan dosa godang i manggontihon haul si ganop ari? Olat ni sadia honok do marlaku parnidaan on, i ma haul si ganop ari, hajahatan na mangagohon, inganan na badia na dung dilehen tentara banua ginjang i didege-dege?”

DANIEL 8:16

Hubege ma sora na pio-pio sian bariba ni Batang aek Ulai, mandok, “Gabriel, patorang ma tusia parnidaan i.”

MATEUS 24:3

Dung i kehe ma Jesus juguk di Dolok Zetun. Jadi hatiha na juguk i Ia, marroan ma angka anak siseanNia laho mangkatai dohot Ia sajo. “Paboa ma jolo tu hami sanga andigan do tarjadi sudena i,” ninna halahi manyapai Ia. “Dung i muse, aha ma tandana paboa na giot dapot ma haroroMu dohot hasidungan ni portibi on?”

MARKUS 13:4

“Paboa ma jolo di hami, sanga na andigan ma tulus sudena i! Angka aha ma tandana paboahon na giot dapot hatihana masa sudena i?”

EPESUS 3:10

On do maksud ni Debata disi: anso saonnari, sude na maniop kuaso di awang-awang i mamboto hamaloon ni Debata di sude ragam rupa ni pangalaho markite-hite parlagutan i.

1 PETRUS 1:12

Dipaboa Debata do tu angka panurirang i sasudena na nibaen ni halahi i laho mangoloi hamu do, jana nada na mangoloi halahi sandiri; i ma taringot tu angka na nibegemunu saonnari sian angka na manjamitahon Jamita Na Denggan. Mardongan kuaso ni Tondi Parbadia na nitongosNia sian banua ginjang do dipasahat halahi na songon i tu hamu. Salang angka surusuruan pe por do rohana mamboto barita na nipaboa ni halahi i.

HALUMBAAN 15:6

Manigor ruar ma pitu surusuruan – i ma na mangurus mara na pitu i – sian bagasan Bagas Na Badia i. Sian abit linen do pakean ni halahi, ias jana marnyirlak-nyirlak. Jana adong do panutup ni andora ni halahi na nibaen sian sere.

HALUMBAAN 19:14

Diihutkon angka parangan na sian banua ginjang ma Ia, rap markudo na bontar jana marpakean linen na bontar saksak.

HALUMBAAN 6:10

Jana pio-pio ma halahi marsora na gogo ninna ma, “Ale Tuhan, na badia jana na sintong! Sadia honok nari dope anso diuhumi, jana dibaloskon Ho mudarnami tu angka na maringanan di tano on?”