DANIEL 12:4 - BIBEL JAMITA NA DENGGAN

⁴ Dung i didok surusuruan i muse ma tu au, “Daniel, tutup ma Buku i saonnari jana baen ma segelna anso tongtong tutup Buku i lopus tu hatiha na parpudi. Bahat do halak na giot manangkasi sanga aha na giot tarjadi. Tapi nada adong gunana karejo ni halahi i.”

DANIEL 12:4 ပူးပေါင်းရင်းမြစ်များ

JESAYA 11:9

Di sude dolokKu na badia, nada adong na jahat sanga pe mara, gok parbinotoan taringot tu Tuhan ma angka luat, songon aek na manggohi dano mangalantap.

JESAYA 29:11

Buni ma di hamu arti ni sandok parnidaan, songon buku na nicap. Muda dioban ho tu halak na malo manyise, jana dipangido ho anso disise ia di ho, dokkononnia ma, nada malo au, angke dicap do antong buku i.

JESAYA 30:26

Marsinondang ma bulan i songon torang ni mataniari, jana mataniari i tumorang pitu noli sian na somal, songon torang ni pitu ari dipasada. Tarjadi ma sudena i di na ro Tuhan mambalut dohot pamalumkon angka bugang ni bangsoNia na nisambokNia i.

JESAYA 32:3

Diparrohahon halahi do haporluan ni rayat.

JESAYA 8:16

Hamu angka siseanku, angkon jagoonmunu jana momosanmunu do angka tona na nilehen ni Debata tu au.

JEREMIA 5:1

O hamu halak Jerusalem, bolus hamu ma angka dalan di kotamu! Jalahi ma disi, jana ligi sandiri ma! Pareso hamu ma di angka tano lapang ni kota i sanga adong do sada halak na tigor na bonar maradopkon Debata. Muda adong do antong, ampunan ni Tuhan ma Jerusalem.

DANIEL 10:1

Di taon patoluhon dung mamarenta si Kores, raja ni halak Persia, dipaboa ma tona tu si Daniel na margoar muse si Beltsasar. Tutu do tona i salaho tu hasusaan na godang. Dung i ditiop ia ma hata i jana diparate-atehon ia ma parnidaan i.

DANIEL 10:14

Ro do au laho mambaen ho mangastui sanga aha na giot tarjadi sanoli on di bangsomu. Taringot tu hatiha na giot ro do parnidaan on.”

DANIEL 10:21

Tapi haru pe songon i, paboaonKu do tu ho sanga aha na tarsurat di Buku Hasintongan i. Nada adong sahalak pe na jongjong mamihak tu au sian ias ni roha mangalo halahi, ia so hum si Mikhael, pamimpinmunu i,

DANIEL 11:33

Angka halak na bisuk mamimpin rayat, baenonna ma bahat halak mangarti. Tapi sanga na piga ngombas, hona bunu do piga-piga halak sian halahi hara ni porang, sanga hara ni api, jana deba nari hona samun dohot hona tangkup.

DANIEL 11:40

Muda marayak marujung ma kuaso ni raja Siria i, ro ma raja ni Mesir mamorangi ia. Jadi baloson ni raja ni Siria ma parangan i lopus marujung. Padohotonnia ma bahat kareta porang, kudo, dohot kapal. Mangaroro ma ia songon aek magodang jana solatonna bahat luat.

DANIEL 12:13

Burju ma anggo ho Daniel lalu tu ujungna. Marujung ma ngolumu, tapi ngot ma ho mangulahi manjagit upamu di hatiha na parpudi.”

DANIEL 12:5

Dung i huida ma dua halak bayo. Na sada jongjong di topi ni batang aek sabola bariba on, jana sahalak nari di topi na di baribaan.

DANIEL 12:9

Dialusi ia ma, “Kehe ma ho saonnari Daniel, harana angkon bunihonon do angka hata on jana rahasiahonon do i lopus tu hatiha na parpudi.

DANIEL 8:17

Jadi ro ma ia tu inganan hajongjonganki, jana dompak ro ia tarsonggot ma au jana manungkap, dung i didok ia ma tu au, “Antusi ma, o anak ni jolma taringot tu ari parpudi do parnidaan on!”

DANIEL 8:19

“Paboaonku ma tu ho sanga aha na giot tarjadi muse hara ni hamumuruk ni Debata. Angke tudu-tudu tu hatiha na parpudi do parnidaanmi.

DANIEL 8:26

Parnidaan taringot tu haul potang ari dohot manyogot i na dung dipatorang tu ho, situtu do i angkon masa. Tapi honok dope anso masa i; jadi tabunihonma jolo i.”

MATEUS 24:14

Dung i muse, Jamita Na Denggan taringot tu Harajaan Ni Debata, dijamitahon ma i tu portibi on sude, anso sude halak umbegesa. Dung i pe anso ro ari na parpudi.”

SURAT NI SI PAULUS TU PARLAGUTAN ROM 10:18

Tapi husapai ma: Nada he dibege halahi do i? Madung dibege halahi do i, “Angke madung lalu do sora ni halahi tu sandok tano on, jana hata ni halahi madung tu liat portibi on.”

HALUMBAAN 10:4

Disi mangkuling ronggur na pitu i, giot suratkononku ma nian, hape hubege ma manigor sada sora sian banua ginjang na mandok, “Angkon rahasiahononmu do sanga aha na nidok ni ronggur na pitu i; ulang suratkon i!”

HALUMBAAN 22:10

Dung i ning ia ma mangulahi, “Ulang rahasiahon angka sipaingot na sian hasurirangon na di bagasan buku on, angke dapot ma hatihana anso tarjadi sudena on.

HALUMBAAN 5:1

Dung i huida ma di siamun ni na juguk di ginjang ni habangsa i sada pustaha na marsurat di bagasan dohot di luar, jana na nicap dohot pitu cap.