DANIEL 12:10 - BIBEL JAMITA NA DENGGAN

¹⁰ Bahat do halak na giot papolinon. Nada mangarti anggo halak na jahat, jana torus do halahi mambaen jahat; hum halak na marbisuk do na mangastuisa.

DANIEL 12:10 ပူးပေါင်းရင်းမြစ်များ

MASMUR 107:43

Dipikiri halak na marroha ma sudena i jana dihaporsayai halahi ma holong ni roha na manongtong sian Tuhan i.

MASMUR 51:7

Buat ma dosangki, gabe ias ma au; basu ma au, jadi gabe umbontar ma au sian hapas.

PODA 1:5

Marhite angka poda on, mur martamba do parbinotoan ni halak na bisuk, jana halak na pistar pe gabe dapotan panogu-noguon.

JESAYA 1:18

Ninna Tuhan do: “Ro ma hamu anso tapadenggan. Haru pe rara dosamu songon kirmisi, ias do baenonKu songon itak, haru pe rara songon hasumba, bontar do baenonKu songon hapas.

JEHESKIEL 36:25

Dung i pispisonKu ma hamu dohot aek na lan, anso ias hamu sian sude gana-ganaanmunu dohot sian sasude na pahodarkon hamu.

JEHESKIEL 47:11

Tapi anggo aek na di ombik-ombik dohot paya-paya na adong sapanjang topi ni laut i nada ra gabe tawar, tapi laing hot do i pambuatan ni sira.

DANIEL 11:33

Angka halak na bisuk mamimpin rayat, baenonna ma bahat halak mangarti. Tapi sanga na piga ngombas, hona bunu do piga-piga halak sian halahi hara ni porang, sanga hara ni api, jana deba nari hona samun dohot hona tangkup.

DANIEL 11:35

Hona bunu ma deba angka pamimpin na marbisuk i, tapi akibatna songon on ma: gabe mur polin ma angka jolma i. Songon i ma torus lalu tu hatiha na parpudi, i ma hatiha na dung ditontuhon Debata.

DANIEL 12:3

Marsinondang be ma songon sinondang ni langit angka pamimpin na marbisuk i. Jana halahi na dung mangajari halak na bahat laho mambaen sanga aha na denggan dohot na tigor, marsinondang ma halahi songon angka bintang i salolot-lolotna.”

HOSEA 14:9

Efraim, aha dope he lakna hubunganKu dohot angka gana-ganaan? Au do na mangalusi dohot na mamparate-atehon ho! Songon hayu sanobar na rata do Au, sian Au ma ho mandapot parbatuna.”

ZAKARIA 13:9

Hum sapartolu noma na mangolu sian i. Jana paiasonKu ma halahi songon perak na dipapita ni api. UjionKu ma halahi songon panguji ni halak di sere. Jadi martangiang ma halahi tu Au, jana alusanKu ma halahi. DokkononKu ma tu halahi, paboa na bangsongKu do halahi, jana okuon ni halahi muse ma, Au do Tuhan Debata ni halahi.”

MALEAKI 3:3

Jadi juguk ma Ia songon sada halak panopa perak; jana paiasonNia ma halak Levi songon na paiaskon sere dohot perak, anso gabe sioban haul halahi tu Tuhan di bagasan hasintongan.

MARKUS 4:11

Dung i didok Jesus ma tu halahi, “Anggo tu hamu madung dilehen do mangartihon simo-simo ni Harajaan Ni Debata, tapi anggo tu halak na asing sian hamu, markite-hite umpama do i nipaboa.

LUKAS 24:25

Dung i mandok hata ma Jesus tu halahi ning Ia, “Otona i hamu! Na maol ma hamu manghaporsayai na nidok ni angka panurirang i!

JOHANNES 18:37

Dung i marsapa ma si Latus tuSia, “Antong anggo songon i, tutu do Ho raja?” Dialusi Jesus ma, “Tutu do Au raja, songon na nidokmi. Sorang pe Au jana ro tu portibi on hum na sada on sajo do maksudna, i ma laho manyaksihon hasintongan. Jana sanga ise na marasal sian hasintongan i dijagit ia do Au.”

JOHANNES 7:17

Sanga ise na ra mangihutkon hagiot ni Debata, botoon ni halahi ma sanga na sian Debata do pangajaranKi, sanga na sian roha-rohangKu sandiri.

JOHANNES 8:47

Sanga ise na ro sian Debata ditangihon Ia do na nidok ni Debata. Tapi anggo hamu nada sian Debata hamu, hara ni i ma umbaen na so ra hamu manangihon i.”

1 KORINTUS 6:11

Songon i hian do deba sian hamu najolo. Tapi anggo saonnari madung dipaias hamu sian dosa, madung diparbadiai, jana madung dipatigor hamu di bagasan goar ni Tuhan Jesus Kristus dohot di bagasan Tondi Ni Debatanta.

2 KORINTUS 7:1

Antong hamu ale dongan na nihaholongan! Tu hita do dibaen angka janji i sudena. Tapaias ma dirinta sian sasude na pahodarkon pamatang dohot rohanta. Tahabiari ma Debata, anso sanggam tarbaen hita mangolu mamunjung tu Debata.

TITUS 2:14

Madung dihaulkon Ia diriNia hara ni hita laho paluahon hita sian hajahatan sudena, jana dibaen Ia hita gabe bangso hapunjunganNia, jana na ringgas mambaen na denggan.

IBRANI 12:10

Marhatiha do pangajaran ni natorasta na di tano on tu hita, hombar tu na denggan na niboto ni halahi. Tapi anggo Debata, diajari do hita laho padenggankon hita, anso gabe badia hita rap dohot Ia.

1 PETRUS 1:22

Hara ni na nioloanmunu ajaran na sian Debata, gabe dipaias hamu dirimunu jana holong do rohamunu mida angka halak na porsaya tu Kristus. Antong, marsihaholongan ma hamu sama hamu sian sandok rohana be.

1 PETRUS 1:7

Sudena i na laho patandahon haporsayaanmunu do tu Tuhan, paboa na tutu do haporsayaanmunu i sanga nada. Sere na ra sego pe angkon laing tutungon do i tu api. Dao dope ummarga haporsayaanmunu i ulang pado sere, jadi angkon laing diuji dope i anso gabe pita. Jadi gabe pujion ma hamu jana pasangapon bope dipatuginjang di haroro ni Jesus Kristus mangulahi tu tano on.

1 JOHANNES 5:20

Taboto do na dung ro Anak Ni Debata tu portibi on. Madung dilehen Ia tu hita pangastuion, anso tatanda Debata na sintong i; jana na maringanan do hita di bagasan Na Sintong i, i ma di bagasan AnakNia Jesus Kristus. On do Debata na sintong, jana on do ngolu na manongtong.

HALUMBAAN 16:11

Diburai halahi ma Debata na di banua ginjang hara ni na hancitan dohot hara ni na baro-baroon i halahi. Hape laing nada ra halahi pauba rohana sian angka pambaenan ni halahi.

HALUMBAAN 19:14

Diihutkon angka parangan na sian banua ginjang ma Ia, rap markudo na bontar jana marpakean linen na bontar saksak.

HALUMBAAN 19:8

Madung dilehen abit linen na alus na marnyala na bontar jana na ias di angka halak na badia.”

HALUMBAAN 22:11

Barang ise na mambaen hageduhan, dipupu ia ma mambaen hageduhan i, jana barang ise na hodar dipahodar ia ma dirina; dung i barang ise na tigor roha, dipupu ia ma mambaen hatigoran, jana barang ise na badia, diparbadiai ia ma dirina.”

HALUMBAAN 3:18

Jadi Hupaingot ma hamu anso tobusi hamu ma sian Au sere, i ma sere na polin, anso tutu hamu gabe mamora. Laing dohot ma pakean na bontar tobusi hamu sian Au anso marpakean hamu, ulang diida halak be hamu di pangalahomunu na marsaemara jana na pailahon i. Jana tobusi hamu muse ma ubat ni matamunu i anso marnida hamu.

1 SAMUEL 24:13

Sai Tuhan ma na mamutuskon sanga ise do sian hita na marsala! Sai Tuhan ma na mambaloskon pambaenan ni raja i tu au tapi anggo au saotik pe nada hancitan raja i baenonku.