DANIEL 12:1 - BIBEL JAMITA NA DENGGAN

¹ Didok surusuruan na marpakean linen i ma mangulahi, “Tarida ma di hatiha i Mikhael surusuruan na godang pangondian ni bangsomi. Dung i masa ma hasusaan na so adong tudosanna dope mamungka adong angka bangso. Tapi sandok halak na sian bangsomu na tarsurat goarna di bagasan Buku i, paluaon ma i.

DANIEL 12:1 ပူးပေါင်းရင်းမြစ်များ

MASMUR 56:8

Diboto Ho do godang ni sitaononku, torang do di rohaMu ilu-ilungku. Nada he tarsurat do sudena i di bukuMu?

MASMUR 69:28

Sugari nisesa noma gumonan goar ni halahi sian buku ni halak na mangolu, indangkon sai disuratkon be i di panyuratan ni goar-goar ni halak na tigor.

JESAYA 4:3

Ganop halak na tading di Sion jana pasipasi ni Jerusalem angkon digoari na badia, i ma ganop halak na di Jerusalem na nitodo manjagit haluaan.

JESAYA 9:7

Mur tu godangna do kuasonia, jana tongtong dame harajaannia. Ia ma raja na songon panggonti ni si Daud, marojakan tu hatigoran dohot hasintongan do harajaannia sian mulai saonnari lalu tu salolotna. Angkon tulus sudena i baenon ni Tuhan Na Markuaso i.

JEREMIA 30:10

O hamu bangsongKu, ulang be mabiar hamu! halak Israel, ulang humitir hamu! PaluaonKu ma hamu sian tano na dao, inganan pambuanganmunu. Mulak noma hamu jana di bagasan dame mangolu. Aman noma ngolumunu nada adong be sihabiaranmunu.

JEREMIA 30:7

Madung dapot ari na jorbut, ari na so adong tudosanna. Anggo di bangsongKi ari i ma na mambaen sak ni roha; tapi paluaonKu do halahi.”

JEHESKIEL 13:9

UhumanKu ma hamu, ale angka panurirang na pajojorkon alatan gabus dohot na marnipihon angka parnidaan! Na so tola be hamu dohot mambaen haputusan di bagasan angka sidang ni bangsongKu, sesaon noma angka goarmunu sian rayat ni Israel, jana nada mulak be hamu tu bona bulumunu. Jadi gabe botoonmunu ma bahaso Au do Tuhan Debata.’

JEHESKIEL 34:24

Au Tuhan, gabe Debata ni halahi, jana raja na tudos tu si Daud i ma na gabe pangarajai ni halahi. Au Tuhan, madung mandok songon i.

JEHESKIEL 5:9

Hara ni sude pangalaho na jat i, angkon Hubaen tu hamu angka na so jungada Hubaen, jana nada be baenonKu songon i.

DANIEL 10:13

Jongjong do pamimpin harajaan ni halak Persia i dua pulu sada ari honokna mangalo au; tapi si Mikhael, i ma sada halak sian angka pamimpin i; ro do manolong au, jana hutinggalkon ia disi di adopan ni angka raja ni halak Persia.

DANIEL 10:21

Tapi haru pe songon i, paboaonKu do tu ho sanga aha na tarsurat di Buku Hasintongan i. Nada adong sahalak pe na jongjong mamihak tu au sian ias ni roha mangalo halahi, ia so hum si Mikhael, pamimpinmunu i,

DANIEL 11:45

Mur baenonnia muse ma benteng ni harajaannia na godang jana na gincat i di antara ni laut dohot Dolok Na Jeges na badia. Tapi mate do ia muse jana sahalak pe nada adong na mangurupi ia.”

DANIEL 7:10

Ruar ma sada batang aek api, jana mamolus sian adopanNia; saribu noli marribu-ribu angka na mangoloi Ia, jana bahat sajo do jolma jongjong di joloNia. Dung i juguk ma angka Panguhum jana diungkap ma Angka Buku.

DANIEL 9:12

Tigor do pambaenanMu laing songon na nijanjihonMu tu hami dohot tu angka na markuaso di hami. Umposi do uhumMu tu Jerusalem martimbangkon angka kota na adong di tano on.

JOEL 2:2

Manggolap do ari i jana mangalomlom, ari na gok ombun dohot hagolapan. Songon sinondang ni mataniari manyogot di ginjang ni angka tor, sada bangso na bahat jana na gogo. Na so unjung masa dope i; jana sapanjangna nada masa be i.

MALEAKI 3:16

Jadi marsipandohonan ma angka halak na manghabiari Tuhan i na sada tu donganna. Dibege jana diparrohahon Tuhan do sanga aha na nihataan ni halahi i. Disuratkon do angka goar-goar ni na pasangapkon Tuhan dohot na mabiar mida Ia, di bagasan sada buku panyuratan na adong di joloNia.

MATEUS 24:21

Angke disi ma masa hasusaan na lobi godang na so unjung masa dope mamungka sian mula-mula ni portibi on lopus tu sadari on. Dung salpu i, nada masa muse be na songon i.

MARKUS 13:19

Harana anggo di hatiha i masa ma hasusaan na godang situtu na so unjung masa dope i di tano on dung ditompa Debata tano on lopus tu sadari on, jana nada masa be songon i tu pudi on.

LUKAS 10:20

Haru pe songon i, ulang marjop ni roha hamu hara ni na nioloan ni angka tondi na jahat hamu, tapi gumonan ma marjop ni roha hamu hara ni na dung tarsurat goarmunu di banua ginjang.”

SURAT NI SI PAULUS TU PARLAGUTAN ROM 11:15

Dibaen muda panulakon ni halahi gabe pardengganan tu portibi on, nada he gabe songon hangoluan sian na mate ma i, muda dung tulus halahi dijagit?

SURAT NI SI PAULUS TU PARLAGUTAN ROM 11:26

Jana i do gabe dalan, anso malua sandok bangso Israel, hombar tu na tarsurat i, “Ro ma sian Sion Sipalua i, sesaonNia ma hajahatan sian pomparan ni si Jakob.

EPESUS 1:21

Dao dope gumincat pangkat ni Kristus i, sian pangkat ni sasudena pamarenta, sian sasude na markuaso, sian sude pamimpin, sian sude angka tuan dohot sian sanga ise pe na dung maruli pangkat na gincat; na adong di hatiha on sanga di hatiha na giot ro.

PILIPPI 4:3

Laing hupangido dope tu ho, donganku na bonar roha i sai urupi ma halahi, na dung marporang rap dohot au hara ni Jamita Na Denggan i rap dohot si Klemen dohot donganku saparkarejoan na asing i, na tarsurat do goar ni halahi di buku hangoluan i.

JUDAS 1:9

Tapi si Mikael sandiri kapala ni angka surusuruan i nada jungada dibaen ia songon i. Di na marsalisi ia sanoli dohot Sibolis i hara ni bangke ni si Musa, nada puluk si Mikael mandok hata pincang-pincang laho manguhumi Sibolis i. Hum on sajo do didok si Mikael, “Sai dipincang Debata ma ho!” ning ia.

HALUMBAAN 1:5

dohot sian Jesus Kristus saksi na bonar roha i. Ia do na parjolo dipangolu mangulahi sian hamatean jana Ia muse ma parkuaso di ginjang ni angka raja na di tano on. Dihaholongi Jesus do hita jana hara ni hamateanNia i dipalua Ia do hita sian angka dosanta.

HALUMBAAN 12:7

Dung i masa ma parporangan di banua ginjang. Marporang ma si Mikael rap dohot angka surusuruannia mangalo naga i. Jana naga i pe antong mangalo ma rap dohot angka surusuruannia.

HALUMBAAN 13:8

Sombaon ni sude jolma na mangolu di ginjang tano on ma binatang i, i ma angka halak na so tarsurat goarna di buku hangoluan ni Anak Ni Biri-biri na dung disambol i, mamungka sian panompaon ni portibi on.

HALUMBAAN 17:14

Na giot marporang do halahi mangalo Anak Ni Biri-biri i. Tapi taluhonon ni Anak Ni Biri-biri i ma halahi, angke Ia do Tuhan ni angka tuan jana Raja ni angka raja. Dung i monang ma na rap dohot Ia, i ma angka na nipiohon dohot na nipili dohot na setia.”

HALUMBAAN 20:12

Jana huida ma angka halak na mate, na menek dohot na magodang rap jongjong di jolo ni habangsa i. Dibuka ma dohot angka buku, dung i dibuka muse ma sada buku na asing, i ma buku hangoluan. Jana di hatiha i ma didabu uhuman tu angka halak na dung mate, satongtang tu pambaenan ni halahi di hatiha na salpu marguru tu na tarsurat di bagasan angka buku i.

HALUMBAAN 20:15

Sanga ise halak na so adong goarna tarsurat di bagasan buku hangoluan i, diambungkon ma tu bagasan laut api i.

HALUMBAAN 3:5

Angke pakean na songon i ma bontarna na giot pakeon ni angka halak na monang. Nada sesaonKu be goar ni halahi sian buku hangoluan, tapi okuonKu ma halahi di adopan ni Damang dohot di adopan ni angka surusuruanNia paboa na Au nampuna halahi.

HALUMBAAN 7:14

Jadi hualusi ma, “Tuanku, ho do na umbotosa.” Dung i didok ia ma tu au, “Halak on ma angka na malua sian hasusaan na godang i. Madung dibasu halahi baju juba ni halahi jana bontar dibaen mudar ni Anak Ni Biri-biri i.