DANIEL 11:32 - BIBEL JAMITA NA DENGGAN

³² Jadi marhite sipaoto-oto, jajang-jajangon ni raja i ma angka jolma na dung marbalik sian ugamo ni halahi, anso ra mangurupi ia. Tapi aloon ni angka halak na burju marugamo tu Debata do halahi.

DANIEL 11:32 ပူးပေါင်းရင်းမြစ်များ

1 JUJUR TAON 28:9

Jadi tu si Salomo, didok si Daud ma, “Amang, Debata na nisomba ni amangmu ma oku gabe Debatamu. Angkon oloanmu do Ia sian sonang dohot ias ni rohamu. Harana diboto Ia do sude pikiran dohot pos ni rohanta. Muda dijalahi ho Ia, gabe padumpang ma dohot Ia, tapi muda ditadingkon ho, tulakkononNia noma ho salolot-lolotna.

NEHEMIA 4:14

Di na huida mabiar rayat i, hudok ma tu halahi dohot tu angka hatobangon maradu tu angka pamimpin, “Ulang hamu mabiar mida musu! Tuhan na gogo jana na markuaso i ma ingot hamu, jana parjuangkon hamu ma angka kahanggimunu, angka dakdanak, dongan saripe dohot bagasmunu!”

MASMUR 9:10

Halak na mananda Ho, mararop ni roha tu Ho Tuhan, halak na mangalului Ho nada ra Ho maninggalkon.

PODA 19:5

Halak na margabus di pangadilan, nada malua sian uhuman.

PODA 26:28

Sarupa do na manggabusi dohot na marsogo roha tu halak. Hata na tabo parohon mara.

JEREMIA 31:34

Sahalak pe sian halahi nada porlu be mangajari donganna laho mananda Tuhan. Angke sude halahi, na menek sanga na magodang, tandaonna ma Au. HalupahononKu ma angka hasalaan ni halahi, jana Huampuni angka dosa ni halahi. Au Tuhan, madung mandok songon i.”

DANIEL 11:21

Didok surusuruan i muse ma tu au, “Raja na mangihut mamarenta di Siria i ma sada halak na jahat na so patut gabe raja. Tapi ro do ia sian na so pamotoan jana dirampas ia ma harajaan sian raja i marhite sipaoto-oto.

DANIEL 11:34

Jadi taran mardalan pamunuon i, dapotan pangurupion ma saotik bangso ni Debata, jana bahat ma halak na ro pasadahon dirina tu halahi tapi nada sian roha na situtu.

ZAKARIA 10:12

PargogoanKu ma bangsongKu, oloanna jana marsomba ma halahi tu Au. Au Tuhan, mandok songon i.”

MALEAKI 4:2

Tapi anggo tu hamu angka na mangkabiari Au, songon mataniari bincar do kuasongKu na paluahon dohot padumpangkon hamamalum di hamu. Malua do hamu jana marjop ni roha songon anak ni lombu na baru dipalua sian barana.

JOHANNES 17:3

On ma hangoluan na so mantak; anso ditanda halak Ama i, sasada Ia do Debata na tutu, jana mananda Jesus Kristus na nisuruhon ni Ama i.

1 JOHANNES 5:20

Taboto do na dung ro Anak Ni Debata tu portibi on. Madung dilehen Ia tu hita pangastuion, anso tatanda Debata na sintong i; jana na maringanan do hita di bagasan Na Sintong i, i ma di bagasan AnakNia Jesus Kristus. On do Debata na sintong, jana on do ngolu na manongtong.

HALUMBAAN 6:11

Dung i dilehen ma tu halahi sada be baju juba na bontar. Dung i disuru ma halahi maradian santongkin nari, painte gok bilangan ni angka aleale ni halahi saparjuangan dohot angka dongan ni halahi na hona bunu songon halahi.