DANIEL 11:29 - BIBEL JAMITA NA DENGGAN

²⁹ Dung sadia honok, ro muse ma ia mamorangi Mesir, tapi asing do akibatna sian na parjolo i,

DANIEL 11:29 ပူးပေါင်းရင်းမြစ်များ

JESAYA 14:31

Martangisan ma hamu, jana marsurahi mangido tolong, hamu ale angka kota ni Pilistin! Humitir ma hamu sugari nian mabiar! Marbual-bual do abuan sian Utara tanda ni haroro ni tentara na garang-garang; nada adong sahalak pe sian halahi parbiar.

DANIEL 10:1

Di taon patoluhon dung mamarenta si Kores, raja ni halak Persia, dipaboa ma tona tu si Daniel na margoar muse si Beltsasar. Tutu do tona i salaho tu hasusaan na godang. Dung i ditiop ia ma hata i jana diparate-atehon ia ma parnidaan i.

DANIEL 11:23

Marhite na mambaen angka parjanjian, paoto-otoonnia ma angka bangso na asing. Jana mur tamba ma gogonia, haru pe hum harajaan na menek sajo do na niparentania.

DANIEL 11:25

Mardongan habaranion baenonnia ma tentara na bahat laho mamorangi Mesir na dung hobas muse laho mangalo ia dohot tentara na gogo. Tapi tarpaoto ma raja ni Mesir gabe nada manjadi karejo na.

DANIEL 11:28

Dung i mulak ma raja ni Siria i tu tanona maroban sude barang na nirampasnia. Dipasada ia do rohana laho mangagohon ugamo na nitiop ni bangso ni Debata. Patupaonnia ma roha-rohania lalu mulak ma ia tu tanonia.

DANIEL 11:30

harana ro ma angka kapal ni halak Kitim mangalo ia, gabe mago ma habaranionna. Dung i mulak ma ia mardongan hosom maradopkon Parjanjian Na Badia i jana angkon martindak do ia. Dung mulak ia parate-atehononnia ma halak na maninggalkon Parjanjian Na Badia i.

DANIEL 8:19

“Paboaonku ma tu ho sanga aha na giot tarjadi muse hara ni hamumuruk ni Debata. Angke tudu-tudu tu hatiha na parpudi do parnidaanmi.

BAENON NI ANGKA RASUL 17:26

Sian sada jolma dibaen Ia ma sude bangso jana disuru Ia halahi mangingani tano on sudena. Laing marguru diSia do sian mulana laho manontuhon sanga andigan hatihana jana olat ni dia batasna halahi tola mangolu.

GALATIA 4:2

Tapi adong do halak na manjago i dohot na mangurus sude haporluannia lopus dapot hatiha na nitontuhon ni amangnia i.