DANIEL 11:27 - BIBEL JAMITA NA DENGGAN

²⁷ Dung i rap juguk ma raja na dua i sameja jana rap mangan, tapi marroha na jahat do halahi na dua, jana marsigabusan ma halahi. Tapi sundat do sangkap ni halahi i dibaen nada dapot dope hatihana.

DANIEL 11:27 ပူးပေါင်းရင်းမြစ်များ

2 SAMUEL 13:26

Dung i didok si Absalom ma, “Antong anggo songon i noma, paloas ma angkangku si Amnon rap dohot hami.” Didok raja i ma, “Ia pe nada pola porlu dohot.”

MASMUR 12:2

Sude do halahi, marsigabusan, manipu dohot angka hata na tabo tu parbinegean.

MASMUR 52:1

O jolma na gogo, biasi hagodangkononmu hajahatan na nibaenmu tu halak na nihaholongan ni Debata?

MASMUR 58:2

Nada, niet na jat do di bagasan rohamunu, jana mangasa gogo do hamu di luat on.

MASMUR 62:9

Anggo jolma sangombus hosa do i na godang sanga na menek rap na so mararga do i. Muda nitimbang, tardapot ma halahi na nayang, numayang sian sangombus hosa.

MASMUR 64:6

Disangkap halahi do patupa parbuatan na jat jana diambangsa ma na dung sanggam sangkapna. Nian mabagastu do dodoan roha dohot ate-ate ni jolma.

PODA 12:20

Halak na martahi hajahatan, manipu dirina; halak na parayak hadengganan, gabe martua.

PODA 19:21

Tarbaen jolma do patupa sangkap, tapi hum maksud ni Tuhan do na tarlaksana.

PODA 26:23

Songon hudon tano na disopu dohot perak, songon i ma halak parhata lancap tapi marroha na jat.

JEHESKIEL 17:9

Jadi gabe marsapa ma au tu Tuhan Debata songon on: Tarbaen dehe mangolu jana manjarampak bona ni anggur i? Nada he umpaton ni unggas rajawali na parjolo i angka uratna i, rurusonna batuna i, rampingkononna angka dangkana jana padiaronna i malos? So pola porlu bahat gogo sanga bangso na gogo laho mangumpat bonana i lopus tu angka uratna i.

DANIEL 10:1

Di taon patoluhon dung mamarenta si Kores, raja ni halak Persia, dipaboa ma tona tu si Daniel na margoar muse si Beltsasar. Tutu do tona i salaho tu hasusaan na godang. Dung i ditiop ia ma hata i jana diparate-atehon ia ma parnidaan i.

DANIEL 11:28

Dung i mulak ma raja ni Siria i tu tanona maroban sude barang na nirampasnia. Dipasada ia do rohana laho mangagohon ugamo na nitiop ni bangso ni Debata. Patupaonnia ma roha-rohania lalu mulak ma ia tu tanonia.

DANIEL 11:29

Dung sadia honok, ro muse ma ia mamorangi Mesir, tapi asing do akibatna sian na parjolo i,

DANIEL 11:35

Hona bunu ma deba angka pamimpin na marbisuk i, tapi akibatna songon on ma: gabe mur polin ma angka jolma i. Songon i ma torus lalu tu hatiha na parpudi, i ma hatiha na dung ditontuhon Debata.

DANIEL 11:40

Muda marayak marujung ma kuaso ni raja Siria i, ro ma raja ni Mesir mamorangi ia. Jadi baloson ni raja ni Siria ma parangan i lopus marujung. Padohotonnia ma bahat kareta porang, kudo, dohot kapal. Mangaroro ma ia songon aek magodang jana solatonna bahat luat.

DANIEL 8:17

Jadi ro ma ia tu inganan hajongjonganki, jana dompak ro ia tarsonggot ma au jana manungkap, dung i didok ia ma tu au, “Antusi ma, o anak ni jolma taringot tu ari parpudi do parnidaan on!”

DANIEL 8:19

“Paboaonku ma tu ho sanga aha na giot tarjadi muse hara ni hamumuruk ni Debata. Angke tudu-tudu tu hatiha na parpudi do parnidaanmi.

HABAKUK 2:3

Suratkon ma i, angke nada saonnari dope hatihana. Tapi manigor ro ma hatihana i, jana musti tarjadi sanga aha na Hudokkon i tu ho. Haru pe laing honok dope idaon, tapi painte sajo ma! Pasti do ro hatiha ni i jana nada dipalambat-lambat.

BAENON NI ANGKA RASUL 1:7

Dialusi Jesus ma, “Damang do na umboto taringot tu ari dohot hatiha ni i. Nada porlu botoonmunu i, angke kuaso ni Damang do i.

BAENON NI ANGKA RASUL 17:31

Harana na dung ditontuhon Ia hian do sada hatiha laho manguhumi portibi on sudena mangihutkon hatigoran. Pasahaton ni Debata ma karejo i tu sada halak na dung nipiliNia tusi. Jadi anso pos roha ni halak sudena taringot tusi, madung dipangolu Debata do Ia mangulahi sian hamatean!” ning si Paulus.

1 TESSALONIKA 5:1

Hamu angka dongan! Sanga sadihari pe taonna sanga ombasna, anggo i indangkon pola hami suratkon di hamu.