DANIEL 11:21 - BIBEL JAMITA NA DENGGAN

²¹ Didok surusuruan i muse ma tu au, “Raja na mangihut mamarenta di Siria i ma sada halak na jahat na so patut gabe raja. Tapi ro do ia sian na so pamotoan jana dirampas ia ma harajaan sian raja i marhite sipaoto-oto.

DANIEL 11:21 ပူးပေါင်းရင်းမြစ်များ

MASMUR 15:4

na mandao sian halak na hona bura tapi pasangap halak na burju tu Tuhan; na patulus janjina, haru pe marharugian,

MASMUR 55:21

Lambok ni hatania mangapus pusu-pusu, hape rohania gok hagigian. Pangkataina maradu lambok, hape manorusi songon podang na tajom.

JESAYA 32:5

Halak na bodo nada be etongon na marsangap, jana pargabus nada be didokkon i na jujur.

DANIEL 11:20

Gontion ni sada raja ma ia, i ma raja na giot marsuru angka pagawena laho palagutkon pajak mardongan paksa laho manambai sinadongan ni harajaanna. Nada piga ngombas hona bunu ma raja i, nada pola di sihapataran jana nada muse di bagasan porang.”

DANIEL 11:32

Jadi marhite sipaoto-oto, jajang-jajangon ni raja i ma angka jolma na dung marbalik sian ugamo ni halahi, anso ra mangurupi ia. Tapi aloon ni angka halak na burju marugamo tu Debata do halahi.

DANIEL 11:34

Jadi taran mardalan pamunuon i, dapotan pangurupion ma saotik bangso ni Debata, jana bahat ma halak na ro pasadahon dirina tu halahi tapi nada sian roha na situtu.

DANIEL 11:7

Nada sadia honok dung i, gabe raja ma sada halak sian horong ni boru ni raja i. Pajoloonnia ma mamorangi tentara ni raja ni Siria, roroonna tu bentengna i lalu taluhononna.

DANIEL 4:17

I ma haputusannami angka surusuruan na hobas jana na manat-manat. On do maksudnami: Anso dioku angka jolma sanga na di dia pe, na markuaso do Na Gumincat i maradopkon harajaan ni jolma dohot mangalehen harajaan i sanga tu ise pe na nitodoNia, bope tu halahi na umbile situtu pe!’

DANIEL 7:8

Taran hupanotnoti tandukna i, ompot ma tubu sada tanduk na asing di antarana i. Menek do tanduk i tapi dionjar ia do lalu mumpat tolu sian angka tanduk na parjolo i. Marmata do tanduk na menek i songon mata ni jolma jana marpamangan na bulbul pangkataina.

DANIEL 8:23

Marayak marujung angka harajaan i, jana muda dung gok hajahatan ni angka na jahat, gabe ro ma sada raja sijogal roha, jana na malo paoto-otohon.

DANIEL 8:25

Dibaen malo do ia manipu, sai tulus do angka sipaoto-otonia. Dihaginjangkon ia ma dirinia, jana nada pola jolo mangalehen sipaingot matehononnia ma bahat jolma. Salang Raja ni sandok raja pe dialo ia do. Tapi roncohonon do ia nada pola hara ni gogo ni jolma.

DANIEL 8:9

Tubu ma sada tanduk na menek sian sada tanduk na opat i na mabidang kuasona adop Selatan, adop Habincaran dohot adop tano na denggan.

NAHUM 1:14

On ma haputusan ni Tuhan maradopkon Asur, “Nada marpomparan be halahi laho paudut sundut ni bangsona. RoncohononKu ma angka patung ni gana-ganaan na adong di angka bagas pamelean ni debata ni halahi. Hatiha manghuar kuburan ma Au di bangso Asur, angke nada patut be halahi mangolu!”

1 SAMUEL 3:13

Na dung Hupaboa do tusia na giot uhumanKu horongnia sapanjangna hara ni na dipalayas ni anaknia Au. Diboto si Eli do pangalaho ni halahi, hape nada dimuruhi ia halahi.