DANIEL 11:18 - BIBEL JAMITA NA DENGGAN

¹⁸ Dung salpu i; giot porangonnia ma angka bangso na di topi ni laut, jana bahat do i taluhononna. Tapi taluhonon ni sada pamimpin ni luat na asing ma ia jana antahonna ma incak-incak na nibaenna, jana mur ia noma layasan ni angka pamimpin ni luat na asing i.

DANIEL 11:18 ပူးပေါင်းရင်းမြစ်များ

ESTER 10:1

Dipamasa Raja Ahasweros ma marrodi, nada hum tu rayat na adong di topi ni laut di harajaannia i, tapi dohot do di angka luat parbagasan dipaksa markarejo.

JESAYA 66:19

jana botoon ni halahi ma Au do na manguhumi halahi. Tapi adong do saotik sian halahi na giot paluaonKu. SuruonKu ma halahi mandapotkon angka bangso di luat angka na dao na so jungada dope umbege salaho tu Au sanga marnida hagodangan dohot kuasongKu: Tu Spanyol, Libia, tu Lidia mardongan angka parsior na malo, tu Tubal dohot Junani. Baritahonon ni halahi ma hagodanganKu di tonga-tonga ni angka bangso i.

JEREMIA 2:10

Manopi-nopi ma hamu di Siprus sabola Hasundutan, suru hamu ma halak tu Habincaran tu tano Kedar, tangkas ma pareso hamu disi, sanga unjung do masa pangalaho sisongon i?

JEREMIA 31:10

Didok Tuhan do, “Tangihon hamu ma ale angka bangso! Palalu ma tonangKu tu bariba ni laut: BangsongKu na dung Hupaserakkon giot palagutonKu jana pasari-sarionKu songon parmahan na manjago biri-birina.

JEHESKIEL 27:6

Angka dayungmu dibaen halahi sian angka hayu na godang di Basan do i. Inganan ni juguhanmu dibaen sian tusam sian pulo Siprus do i asalna, na nipajagar dohot gading na arga.

HOSEA 12:14

Disuru Tuhan do sada panurirang laho paluahon halak Israel sian parhatobanan di Mesir, bope laho manjagohon halahi.

ZEPANYA 2:11

Mabiar ma halahi baenon ni Tuhan. PatoruhonNia ma sahala ni angka debata na di tano on lopus nada adong be arga ni i sude. Jadi gabe marsomba tu Tuhan noma sandok bangso, di tanona sandiri be.

MATEUS 7:2

Harana songon uhum na niuhumkonmunu, songon i do niuhuman hamu muse; jana parsuhatan na nisuhatkonmunu i do niparsuhatkon tu hamu muse.

HAKIM-HAKIM 1:7

Didok si Adoni-Besek, “Najolo madung hugotap inang ni jari ni pat dohot tangan ni pitu pulu raja, jana hupadiar halahi mangan sian teba-teba ni sipanganon na madabu sian mejangku. Saonnari dibaen Debata ma tu au dos songon na hubaen tu halahi.” Dioban do muse si Adoni-Besek on tu Jerusalem jana disi ma marujung ngolunia.