DANIEL 11:17 - BIBEL JAMITA NA DENGGAN

¹⁷ Dung i, hobasan ni raja ni Siria ma sude tentarania laho mamorangi Mesir. Dohot sada tujuan na giot patundukkon sude harajaan ni musuna, baenonnia ma sada partahian dohot musuna i jana pabagasonnia ma borunia dohot raja ni Mesir i; tapi nada manjadi sangkap na nibaennia i.

DANIEL 11:17 ပူးပေါင်းရင်းမြစ်များ

2 RAJA-RAJA 12:17

Di hatiha i diroro si Hasael raja ni Siria ma kota Gat jana giot hobukonna muse ma Jerusalem.

2 JUJUR TAON 20:3

Gabe mabiar ma si Josafat lalu martangiang ma ia mangido panogu-noguon sian Tuhan. Dung i diparentahon ia ma anso puaso sude rayat i.

MASMUR 56:9

Di ari na pio-pio au tu Ho, ale Debata, sumurut ma musungku hona ayak, angke pos do rohangku tu au do Ho marpihak.

PODA 19:21

Tarbaen jolma do patupa sangkap, tapi hum maksud ni Tuhan do na tarlaksana.

JEHESKIEL 17:17

Salang parangan ni tentara Mesir na sumurung i pe, nada tolapsa mangurupi ia sian pangaroro ni angka halak Babel na mambaeni tano timbunan dohot na mangkali bondar laho mambunu bahat halak.

JEHESKIEL 25:2

“Ale anak ni jolma parsantongkinan, paadop ma bohimu tu halak Amon, jana manyurirangi ma ho mangalo halahi!

JEHESKIEL 4:3

Buat ma panci bosi jana etong ma i tarsongon sada dinding bosi; payakkon ma panci i di antaramu dohot kota Jerusalem. Dung i paadop ma tu kota i, songon na ho sandiri ma na manghobuk kota i. Songon tanda do i di bangso Israel.

JEHESKIEL 4:7

Tatap ma sanga songon dia hona hobuk Jerusalem. Pohul ma tenjumu adop kota i jana palalu ma tonangKu taringot tu uhuman ni halahi.

DANIEL 11:19

Dung i diadopkon ia ma bohinia tu angka kota na marbenteng di kotania sandiri; tapi tarsilandit do ia jana madabu jana nada adong be barita taringot tusia.

DANIEL 9:26

Di ujung ni hatiha i hona bunu ma pamimpin na nitodo ni Debata i, hape nada adong nian salania. Jadi ro ma tentara ni sada raja na gogo, sego-segoonnia ma kota Jerusalem dohot Bagas Ni Tuhan i. Ro ma hatiha parujungan i songon aek na magodang na maroban porang dohot hasegoan, laing songon na nisangkapkon ni Debata.

HABAKUK 1:9

Ro do sude bangso i laho mambaen hakejamon, songon haroro ni alogo sian Habincaran do pangaroro ni tentara i jana dipalagut halahi ma angka na tartaban i songon bahat ni pasir.

MATEUS 12:30

Na so mandongani Au tontu alongKu. Dung i halak na so dohot palagutkon rap dohot Au, tontu na paserakkon do i!

LUKAS 11:23

Sanga ise na so mandongani Au, alongKu do i, jana sanga ise na so rap dohot Au palagutkon na paserakkon do i.”

LUKAS 9:51

Dung donok hatihana giot manaek Jesus tu banua ginjang, diadopkon Ia ma bohiNia tu Jerusalem laho kehe tusi.

SURAT NI SI PAULUS TU PARLAGUTAN ROM 8:31

Aha ma he tardok hita taringot tu sudena i? Muda Debata donganta, ise ma he tarbaen mangalo hita?