DANIEL 11:15 - BIBEL JAMITA NA DENGGAN

¹⁵ Dung i hobuhon ni raja ni Siria ma sada kota na marbenteng jana buatonna. Nada bisa tentara ni Mesir i martahan; angka tentara pilian pe nada adong be gogona.

DANIEL 11:15 ပူးပေါင်းရင်းမြစ်များ

JEREMIA 33:4

Au Tuhan, Debata ni Israel mandok, na giot hobuhon ma anggo kota Jerusalem jana disaroso lopus marumpak bagas godang ni raja Juda dohot angka bagas na di kota i.

JEREMIA 5:10

SuruonKu ma musu i laho manyegohon kobun anggur ni halahi, tapi nada jabat pola mambaen buang kobun i. SuruonKu ma musu i manggotap ranting ni angka bona ni anggur ni halahi, angke nada Au antong nampuna angka rantingna i.

JEREMIA 52:4

Patunda ni i ro ma si Nebukadnesar dohot sude parangannia jana diserang ia ma Jerusalem di tanggal sampulu bulan sampulu di taon pasambilankon dung mamarenta si Zedekia. Dipajongjong halahi ma markas di balian ni kota, dibaen ma tembok panghobuhan

JEREMIA 6:6

Songon on ma hata ni Tuhan Na Markuaso i, “Taba ma sude hayuna i, jana timbuni ma tano manghobuk Jerusalem, i ma kota siuhumon, angke hum hajahaton noma di kota on.

JEHESKIEL 17:17

Salang parangan ni tentara Mesir na sumurung i pe, nada tolapsa mangurupi ia sian pangaroro ni angka halak Babel na mambaeni tano timbunan dohot na mangkali bondar laho mambunu bahat halak.

JEHESKIEL 4:2

Dung i gombarkon ma sada panghobuhan maradopkon kota i, dohot sude bondar, angka tano timbun, angka undung-undung dohot parkokas laho mangonjar humaliang tembokna i.

DANIEL 11:14

Jadi gabe bahat ma halak na giot mangalo tu raja ni Mesir. Jana piga-piga sian bangsomi angka na gogo ale Daniel, dohot muse ma mangalo hara ni na dung diida halahi sada parnidaan. Tapi nada manjadi karejo ni halahi i.

DANIEL 11:6

Dung adong piga-piga taon muse, giot mambaen hasadaan ma raja ni Mesir dohot raja ni Siria jana pabagasonnia ma borunia tu raja ni Siria. Hape nada lolot tahan hasadaon i, jana hona bunu ma borunia i, songon i halaklahina dohot anakna dohot angka naposona na manaruhon ia.

DANIEL 8:7

Hupareso ma pandogo-dogonia tu biri-biri jantan i. Hara ni panggasa-gasania, ditombeng ia biri-biri jantan i jana ponggol dibaen ia tandukna na dua i. Nada adong geldok ni biri-biri jantan i laho mangalo. Madabu ma ia tu tano i lalu didege-dege jana sahalak pe nada adong na tarbaen mangurupisa.

JOSUA 1:5

Salolot di ngolumu ale Josua, sada halak pe nada adong na tolapsa manaluhon ho. Angke sai dongananKu do ho songon pandonganingKu di si Musa. Sai na tongtong do ho dongananKu. Nada unjung tadingkononKu ho.