DANIEL 11:10 - BIBEL JAMITA NA DENGGAN

¹⁰ Jadi marhobas ma angka anak ni raja ni Siria laho marporang dohot mambaen tentara na bahat. Maju ma sada sian halahi margalusak songon aek magodang torus mamorangi benteng ni musu.

DANIEL 11:10 ပူးပေါင်းရင်းမြစ်များ

JESAYA 25:12

RumpakkononNia ma angka benteng ni Moab dohot angka tembokna na gincat-gincat i pe lopus magopu songon abuan.

JEREMIA 51:42

Mangalantap ma aek ni laut tu Babel; gumadobur angka galumbangna i mangalingkup luat i.

DANIEL 11:22

Sude tentara na ro angkon diayup do dijolona jana dipatalu, jana dohot muse do sahalak Parjanjian.

DANIEL 11:26

Angka panuturinia na dumonok tusia, i ma na giot mandabuhon ia. Bahat do sian angka tentarania na hona bunu, jana ias haiasonna angka tentarana i.

DANIEL 11:7

Nada sadia honok dung i, gabe raja ma sada halak sian horong ni boru ni raja i. Pajoloonnia ma mamorangi tentara ni raja ni Siria, roroonna tu bentengna i lalu taluhononna.

DANIEL 11:9

Dung i ro ma raja ni Siria mamorangi Mesir, tapi talu do ia jana mulak boti baenonna tu tanona sandiri.

DANIEL 9:26

Di ujung ni hatiha i hona bunu ma pamimpin na nitodo ni Debata i, hape nada adong nian salania. Jadi ro ma tentara ni sada raja na gogo, sego-segoonnia ma kota Jerusalem dohot Bagas Ni Tuhan i. Ro ma hatiha parujungan i songon aek na magodang na maroban porang dohot hasegoan, laing songon na nisangkapkon ni Debata.