DANIEL 10:9 - BIBEL JAMITA NA DENGGAN

⁹ Di na hubege sorana i, madabu ma au pingsan lalu tungkap tu tano i.

DANIEL 10:9 ပူးပေါင်းရင်းမြစ်များ

PAMUNGKAAN 15:12

Di na mamungka lusut mataniari, tarpodom ma si Abram sinok. Dung i gabe digohi biar ma pangkilalaan ni si Abram.

PAMUNGKAAN 2:21

Jadi dibaen Tuhan Debata ma jolma i tarpodom sinok sajo, jana di na modom jolma i, diendat Tuhan Debata ma sada rusuk sian pamatang ni jolma i, ditutupi Ia mangulahi dohot sibukna i.

JOB 33:15

Dompak modom pe halak manyinok di borngin na golap bulita di bagasan nipi bope parnidaan, mandok hata do Debata.

JOB 4:13

Mangganggu modom lalu marjonggor, songon nipi na sambor di borngin na holom.

ENDE NA GODANG 5:2

Hupapodom, hape nada mago rohangku; huipi do manoktok di pintu haholonganku, mandok. “Na uli di au, darapatingku, masuk ma au; ma maraek ulungku hara ni ombun dohot samon.”

DANIEL 10:16

Tapi adong ma na songon jolma tompana manjama pamanganku; dung i hubuka ma pamanganku jana mulai ma au mangkobari; hudok ma tusia na tongon jongjong di jolongki, “Tuan, hara ni parnidaan i gabe markancit do au, jana nada adong be gogongku.

DANIEL 8:18

Taran mangkatai ia, pingsan ma au. Tapi ditiop ia ma au jana ditogu ia jongjong mangulahi. Jadi didok ia ma,

HABAKUK 3:16

Panyogiton pamatangku pabege-begesa bibirku pe humitir, jana rohangku pe mabiar. Gabe gale ma au nada adong be gogo, tartuktuk patku, mardalan pe nada malo. Hupasada noma rohangku paintehon uhuman tu angka bangso na ro mamorangi hami.

LUKAS 22:45

Dung sidung na martangiang i, mulak ma Ia mandapotkon angka siseanNia i. Didapot Ia madung modom be halahi hara ni marsakna.

LUKAS 9:32

Sinok do modom anggo si Petrus dohot angka dongannia. Jadi dung tarsunggul halahi, diida halahi ma hasangapan ni Jesus dohot bayo sidua halak i na jongjong dohot Ia.

HALUMBAAN 1:17

Di na mangaligi au tuSia, tungkap ma au tu joloNia songon halak na dung mate. Tapi dibaen Ia ma tu au tangan siamunNia didok Ia ma, “Ulang ho mabiar! Au do Na Parjolo dohot Na Parpudi.