DANIEL 10:19 - BIBEL JAMITA NA DENGGAN

¹⁹ Didok ia ma, “Holong do roha ni Debata mida ho, hara ni i ulang pola mabiar ho.” Taran mandok songon i dope ia, mur martamba ma huhilala gogongku jana hudok ma, “Didok tuan i ma da hatana. Madung ditambai tuan i gogongku.”

DANIEL 10:19 ပူးပေါင်းရင်းမြစ်များ

MASMUR 138:3

Mangalusi do Ho muda pio-pio au tu Ho, marhite hagogoanMu, au dipargogoi Ho.

JESAYA 35:4

Dok ma tu halak na enek roha, “Ulang ho mabiar, papir ma rohamu. Ro do Debata, paluaonNa ma ho, jana tu angka musumu dabuonNa uhum.”

JESAYA 41:10

Ulang ho mabiar Au do rap dohot ho, Au do Debatamu, ulang heput ho. Hupatogu do ho, Hulehen pangurupion, Huondihon jana Hupalua ho.

JESAYA 41:14

“Ulang ho mabiar ale ulok-ulok ni Jakob, ale halak Israel! Au do pangurupi di ho, ninna Tuhan, jana na manobus ho, i ma Na Sun Badia, Debata ni Israel.

DANIEL 10:18

Gabe dijama ia ma au sanoli nari, jana taraso ma tu au martamba gogongku.

DANIEL 9:23

Di na mamungka ho mangido tu Debata, dilehen Ia do alusna. Dihaholongi Ia do ho, hara ni i ma umbaen na ro au laho paboahon alusna tu ho. Antong, tangihon ma anso hupatorang tu ho astuan ni parnidaan i.

HAGAI 2:4

Tapi saonnari, patogu ma rohamu, ale Zerubabel, ninna Tuhan; patogu ma rohamu ale Malim Godang Josua, anak ni si Josadak; patogu ma rohamu ale sude bangso, ninna Tuhan; markarejo ma, harana dongananKu do hamu, ninna Tuhan Na Markuaso.

ZAKARIA 8:13

Jana na jolo madung manjadi bura hamu di tonga-tonga ni angka bangso, o hamu halak Juda dohot halak Israel. Jadi saonnari giot paluaonKu noma hamu, anso gabe pasupasu hamu. Ulang hamu mabiar, patogu ma rohamunu!”

ZAKARIA 8:9

Songon on ma hata ni Tuhan Na Markuaso, “Patogu ma rohamu, o angka jolma na dung mambege hata na nidokkon ni angka panurirang, mulai dipayakkon batu ojahan ni bagas ni Tuhan Na Markuaso, giot pajongjongkon Bagas Na Badia i.

JOHANNES 11:3

Ditonahon halahi na dua ma barita i tu Jesus, ninna halahi ma di tona i, “Tuhan, marnyae do donganMu haholongan ni rohaMi.”

JOHANNES 11:36

Gabe didok halak Jahudi i ma, “Ligi ma, holong ni rohaNia i tu si Lasarus!”

JOHANNES 11:5

Tutu do, holong do roha ni Jesus mida si Marta dohot anggina i songon i tu si Lasarus.

JOHANNES 14:27

Hasonangan do Hutadingkon di hamu. Hasonangan na sian Au sandiri do na Hulehen tu hamu. Nada songon pangalehen ni portibi on anggo pangalehenKu hasonangan i tu hamu. Ulang pola susa rohamunu; ulang hamu mabiar.

JOHANNES 16:33

Hudok pe i sudena anso marhasonangan do hamu harana di bagasan Au do hamu. Marhancit ma hamu baenon ni portibi on. Tapi sobar ma hamu! Madung Hutaluhon portibi on!”

JOHANNES 19:26

Diligi Ia ma tu inangNia dohot sisean na nihaholongan ni Jesus na jongjong disi. Dung i didok Jesus ma tu inangNia i, “Ligi ma inang, anakmu do indon.”

JOHANNES 21:20

Di na manaili si Petrus, diida ia ma sisean haholongan ni Jesus i di pudinia. (I ma na juguk di lambung ni Jesus hatiha na mangan borngin-borngin i, na manyapai tu Jesus, “O Tuhan, ise dehe na giot manghianat i tu Ho?”)

1 KORINTUS 16:13

Antong jonggor ma hamu jana togu ma haporsayaanmunu. Angkon barani do hamu martindak jana sai margogo ma hamu.

2 KORINTUS 12:9

Hape dialusi Tuhan ma, “Tuk ma asi ni rohangKu mida ho, harana di bagasan hagaleon do kuasongKu gabe singkop.” Hara ni i ma umbaen na sai por rohangku mamuji hagaleanku, angke muda gale au, topet ma disi huhilala diondihon hagogoan ni Kristus au.

EPESUS 6:10

Ujungna, sai margogo ma hamu markite-hite gogo na nijagitmunu sian kuaso ni Tuhan, angke madung sada hamu dohot Tuhan i.

2 TIMOTEUS 2:1

Amang Timoteus! Sai margogo ma ho hara ni asi ni roha na nilehen di hita hara ni pardomuanta i dohot Kristus.

JOSUA 1:9

Ingot, madung Huparentahon tu ho anso marpos ni roha situtu ho! Ulang ho mabiar sanga hurang semangat, angke Au Tuhan Debatamu, sai na dongananKu do ho sanga na tu dia pe ho kehe.”

HALUMBAAN 1:17

Di na mangaligi au tuSia, tungkap ma au tu joloNia songon halak na dung mate. Tapi dibaen Ia ma tu au tangan siamunNia didok Ia ma, “Ulang ho mabiar! Au do Na Parjolo dohot Na Parpudi.

HAKIM-HAKIM 6:23

Tapi didok Tuhan ma tusia, “Horas ma da ho! Ulang ho mabiar. Nada jabat mate ho.”