DANIEL 10:12 - BIBEL JAMITA NA DENGGAN

¹² Jadi didok ia ma tu au, “Daniel, ulang ho mabiar. Madung ditangihon Debata tangiangmi mamungka sian ari parjolo disi diputuskon ho patoruk rohamu anso gabe marbisuk. Madung ro au gabe songon alus ni tangiangmi.

DANIEL 10:12 ပူးပေါင်းရင်းမြစ်များ

MASMUR 69:10

Huparkanciti do diringku marhite na puaso, hape habilean do na hujagit.

JESAYA 35:4

Dok ma tu halak na enek roha, “Ulang ho mabiar, papir ma rohamu. Ro do Debata, paluaonNa ma ho, jana tu angka musumu dabuonNa uhum.”

JESAYA 41:10

Ulang ho mabiar Au do rap dohot ho, Au do Debatamu, ulang heput ho. Hupatogu do ho, Hulehen pangurupion, Huondihon jana Hupalua ho.

JESAYA 41:14

“Ulang ho mabiar ale ulok-ulok ni Jakob, ale halak Israel! Au do pangurupi di ho, ninna Tuhan, jana na manobus ho, i ma Na Sun Badia, Debata ni Israel.

JESAYA 58:9

Muda martangiang hamu, patulusonKu ma i. Muda pio-pio hamu tu Au, alusanKu ma hamu. Antak hamu ma na mamparkanciti, na manudui halak dohot jari-jarimu dohot angka hata na jahat.

JESAYA 65:24

Jadi andorang so pio-pio halahi, madung Hualusi; hatiha manghobari halahi, madung Hubege.

DANIEL 10:11

Didok surusuruan i ma tu au, “Daniel, holong do roha ni Debata mida ho. Jongjong ma ho jana tangihon ma angka hatangkon tangkas. Na disuru do au tu ho.” Dung didok ia songon i jongjong ma au huhut humitir.

DANIEL 10:19

Didok ia ma, “Holong do roha ni Debata mida ho, hara ni i ulang pola mabiar ho.” Taran mandok songon i dope ia, mur martamba ma huhilala gogongku jana hudok ma, “Didok tuan i ma da hatana. Madung ditambai tuan i gogongku.”

HAMALIMON 16:29

“Angka aturan on pe angkon patuluson tu zaman na giot ro sapanjangna. Di ari sampulu bulan pitu, sude halak Israel dohot angka halak na leban na rap dohot halahi, angkon marpuaso do jana nada tola mangkarejohon sanga aha pe, angke ari na sun badia do ari i. Di ari i angkon baenon do pesta paiaskon bangso Israel sian sude dosa ni halahi, anso ias halahi mangihutkon aturan ni ugamo.

BILANGAN 29:7

“Di tanggal sampulu bulan pitu, angkon marlagut do hamu laho maribadat. Di ari i marpuaso ma hamu jana nada tola mangkarejohon barang aha pe.

MATEUS 28:10

Jadi didok Jesus ma tu halahi, “Ulang hamu mabiar, kehe ma hamu, baritahon hamu ma i tu angka kahanggingKu anso kehe halahi tu Galilea, disi ma diida halahi Au.”

MATEUS 28:5

Didok surusuruan i ma tu angka dadaboru i, “Ulang hamu mabiar! Huboto do na manjalahi Jesus na diparsilangkon i do hamu.

MARKUS 16:6

Didok doli-doli i ma, “Ulang mabiar hamu! Huboto do na manjalahi Jesus halak Nasaret na diparsilangkon i do hamu. Inda dison be Ia. Madung dipangolu Ia mangulahi! Ligi hamu ma, disindi hian do bangkeNia dipayakkon.

LUKAS 1:13

Tapi ninna surusuruan i ma tusia, “Ulang ho mabiar Zakaria! Madung dijagit Debata tangiangmi. Sorang ma sada anakmu sian dadaborumu si Elisabet. Angkon si Johannes do goarna baenonmu.

LUKAS 1:30

Dung i didok surusuruan i ma tusia, “O, Maria, ulang ho mabiar dibaen jop do roha ni Debata mida ho.

LUKAS 2:10

Tapi didok surusuruan i ma, “Ulang hamu mabiar! Angke na maroban barita na denggan do au di hamu, barita na pajopkon roha ni sude bangso.

LUKAS 24:38

Tapi didok Jesus ma tu halahi, “Biasi he mabiar hamu, jana biasi ganggu rohamunu?

BAENON NI ANGKA RASUL 27:24

Didok surusuruan i do tu au songon on, ‘Ulang ho mabiar Paulus! Angke tulus do ho mangadop tu Kesar i. Jana hara ni denggan ni roha ni Debata maradopkon ho, gabe malua do sude donganmu sakapal hara ni ho,’ ninna.

HALUMBAAN 1:17

Di na mangaligi au tuSia, tungkap ma au tu joloNia songon halak na dung mate. Tapi dibaen Ia ma tu au tangan siamunNia didok Ia ma, “Ulang ho mabiar! Au do Na Parjolo dohot Na Parpudi.