DANIEL 10:11 - BIBEL JAMITA NA DENGGAN

¹¹ Didok surusuruan i ma tu au, “Daniel, holong do roha ni Debata mida ho. Jongjong ma ho jana tangihon ma angka hatangkon tangkas. Na disuru do au tu ho.” Dung didok ia songon i jongjong ma au huhut humitir.

DANIEL 10:11 ပူးပေါင်းရင်းမြစ်များ

JOB 37:1

Bade i ma mambaen taroktokku humitir dohot ate-ateniba gumadobur.

MASMUR 45:11

Hajogian ni rupamu mambaen tartarik roha ni raja i, ia do tuanmu, oloi ma i.

ENDE NA GODANG 7:10

Haholonganku do nampuna au; por do rohania di au.

JEHESKIEL 14:14

Haru pe maringanan disi si Noakh, si Daniel dohot si Job hum diri ni halahi sajo do tarpalua haburjuon ni halahi na tolu. Au Tuhan Debata madung mandok songon i.

JEHESKIEL 2:1

Marnida i, tinggang ma au manungkap tu tano. Dung i hubege ma sora na mandok, “Jongjong ma ho, ale jolma parsantongkinan anso mangkatai Au dohot ho.”

DANIEL 10:19

Didok ia ma, “Holong do roha ni Debata mida ho, hara ni i ulang pola mabiar ho.” Taran mandok songon i dope ia, mur martamba ma huhilala gogongku jana hudok ma, “Didok tuan i ma da hatana. Madung ditambai tuan i gogongku.”

DANIEL 10:3

Nada hupangan panganon na tabo, juhut dohot anggur nada masuk tu pamanganku jana nada marsuri au lopus gok tolu minggu honokna.

MARKUS 16:8

Dung i ruar ma halahi sian tanoman i, manigor dilojongi halahi ma hara ni songgotna dohot biarna. Nada adong dipaboa halahi sanga na tu ise pe, hara ni biarna halahi. [

JOHANNES 13:23

Tapi adong ma sahalak sisean haholongan ni roha ni Jesus juguk di lambungNia.

JOHANNES 21:20

Di na manaili si Petrus, diida ia ma sisean haholongan ni Jesus i di pudinia. (I ma na juguk di lambung ni Jesus hatiha na mangan borngin-borngin i, na manyapai tu Jesus, “O Tuhan, ise dehe na giot manghianat i tu Ho?”)

BAENON NI ANGKA RASUL 26:16

Jongjong ma ho! Hupatidahon pe diringKu tu ho na giot mambaen ho do gabe pangoloi di Au. Angkon paboaonmu do sude na niidamu sadari on tu halak na asing, bope taringot tu sude na giot patidahononKu di ho sanoli on.

BAENON NI ANGKA RASUL 9:6

Tapi jongjong ma ho, masuk ma ho tu kota i. Disi ma nipaboa tu ho sanga aha sibaenonmu.”