DANIEL 1:8 - BIBEL JAMITA NA DENGGAN

⁸ Tapi tongtong do dijago si Daniel dirinia anso ulang ramun hara ni sipanganon dohot anggur na somal diinum raja i, dipangido ia ma tu pamimpin pegawe ni bagas godang i anso ulang diramuni ia.

DANIEL 1:8 ပူးပေါင်းရင်းမြစ်များ

1 RAJA-RAJA 5:5

Madung dijanjihon Tuhan tu damang si Daud, ‘Anakmu na giot angkatonKi gabe raja gontimu, i do na giot pajongjong bagas paribadatan di Au.’ Hara ni i, Raja Hiram na niparsangapan, au si Salomo, madung huputuskon laho pajongjong bagas i.

MASMUR 106:28

Di Peor, marsomba halahi tu Baal, jana dipangansa pelean ni angka debata.

MASMUR 119:106

Na hujanjihon mardongan sumpa gohanku ma i, haputusanMu na tigor i patulusonku do i.

MASMUR 119:115

O hamu parjahat! Morot ma ho sian au! Sai giot momosanku do parenta ni Debatangku.

MASMUR 141:4

Padao ma au sian hagiot mambaen na jahat dohot sian pangalaho na so jadi. Ulang paloas au mardongan dohot halak na so ture jana dohot mangan di pesta ni halahi pe.

PODA 23:3

Ulang ho mangapian di sipanganon na tabo i, angke bisa do i manipu.

DANIEL 1:5

Laing ditontuhon raja i muse do, angkon sarupa sipanganon dohot anggur siinumon di halahi dohot na dilehen di angka isi ni bagas ni raja i. Dung marsiajar halahi tolu taon honokna, angkon ro ma halahi manopot raja i.

DANIEL 5:4

Dipuji-puji halahi muse ma angka debata na nibaen sian sere, perak dohot tumbaga, bosi, hayu dohot batu.

BAENON NI ANGKA RASUL 11:23

Jana dung lalu si Barnabas disi, diida ia ma sanga na bia pamasumasu ni Debata di halahi, gabe jop sajo ma rohania. Dung i dipaingot ia ma halahi anso tongtong marsihohot tu Tuhan i.

BAENON NI ANGKA RASUL 15:20

Tapi angkon laing tatongos ma surat tu halahi paingotkon halahi anso ulang dipangan halahi angka sipanganon na hodar na nihaulkon tu gana-ganaan, sanga markarosuan, sanga pe na mangankon pahan-pahanan na nisongkik sanga mangan mudar. Boti anso laing dipadao halahi dirina sian angka pangalaho na jorngang.

1 KORINTUS 7:37

Tapi muda adong na mamutuskon di bagasan rohana na so marbagas be ia dohot tunanganna i, jana nada hara ni na tarpaksa haputusannia i, denggan do na nibaennia songon i, muda tuk do gogonia mambaen songon i.

2 KORINTUS 9:7

Angkon marguru tu na nionjar ni rohana be ma mangalehen. Ulang pola hara ni na alang-alangan sanga hara ni na tarpaksa, angke dihaholongi Debata do sanga ise na mangalehen sian jop ni roha.

PANGARATAION 32:38

Dilehen ma tu halahi haul na martabo-tabo, minum aek ni anggur bahat dilehen ho. Padiar ma halahi mangurupi ho, suruhon halahi anso ro anso saonnari halahi ro paluahon ho.’