DANIEL 1:7 - BIBEL JAMITA NA DENGGAN

⁷ Digonti kapala ni juaro bagas i ma goar ni halahi gabe: Si Daniel gabe si Beltsasar, si Hananya gabe si Sadrakh, si Misael gabe si Mesakh jana si Asarya gabe si Abednego.

DANIEL 1:7 ပူးပေါင်းရင်းမြစ်များ

PAMUNGKAAN 41:45

Jadi dipanggoarkon raja i ma sada goar Mesir tu si Josep, i ma si Zafnat-Paaneah. Dilehen ia muse ma sada boru di si Josep na margoar si Asnat, boru ni si Potifera malim na di kota Heliopolis. Marumur tolu pulu taon ma si Josep di na mamungka ia karejo di raja ni halak Mesir i. Jadi kehe ma si Josep sian bagas godang ni raja i jana dibolus ia ma sude luat i.

2 RAJA-RAJA 23:34

Dung i diangkat Raja Neko ma si Eliyakim anak ni si Josia gabe raja ni Juda, jana digonti ia ma goarna gabe si Joyakim. Dioban ia ma si Joahas tu Mesir jana disi ma marujung ngoluna.

2 RAJA-RAJA 24:17

Dung i diangkat si Nebukadnesar ma si Matania uda ni si Joyakin gabe raja di Juda, digonti ia muse ma goarna gabe si Zedekia.

DANIEL 1:19

Dung marsipatorangan dohot halahi sudena, diida raja i ma lumobi si Daniel, si Hananya, si Misael dohot si Asarya sian angka na asing i di sude ragam ni hapandean. Jadi mamungka ma halahi markarejo di bagas godang ni raja i.

DANIEL 1:3

Dung i diparentahon raja i ma si Aspenas, kapala ni bagas godang, laho mamili sian tonga-tonga angka tahanan Israel i piga-piga halak doli-doli pomparan ni raja sanga angka na sangap.

DANIEL 10:1

Di taon patoluhon dung mamarenta si Kores, raja ni halak Persia, dipaboa ma tona tu si Daniel na margoar muse si Beltsasar. Tutu do tona i salaho tu hasusaan na godang. Dung i ditiop ia ma hata i jana diparate-atehon ia ma parnidaan i.

DANIEL 2:26

Jadi didok raja i ma tu si Daniel na margoar muse si Beltsasar, “Tarpaboa ho dehe tu au nipingki dohot astuanna?”

DANIEL 2:49

Tapi hombar tu pangidoan ni si Daniel, dipasahat raja i ma laho mangarajai propinsi Babel tu si Sadrakh, si Mesakh dohot si Abednego, tapi anggo si Daniel sandiri maringanan di bagas godang ni raja i ma.

DANIEL 4:5

Tapi di sada borngin taran modom au, marnipi ma au jana manjagit parnidaan na mambaen rohangku marsak situtu.

DANIEL 4:8

Ujungna ro ma si Daniel na nigoaran muse si Beltsasar songon goar ni debata na husomba i. Dirajai tondi ni angka debata na badia i ma si Daniel. Hupaboa muse ma nipingki tusia,

DANIEL 5:12

Sun do malo ni bayo i dohot bisukna boti malo do ia patorangkon nipi, mambuka rahasia dohot pasidungkon angka soal-soal na maol. Si Daniel goarna, tapi anggo raja i mandok si Beltsasar do goarnia. Paboaonnia do tu raja i sanga aha astuan ni suratan on.”