DANIEL 1:5 - BIBEL JAMITA NA DENGGAN

⁵ Laing ditontuhon raja i muse do, angkon sarupa sipanganon dohot anggur siinumon di halahi dohot na dilehen di angka isi ni bagas ni raja i. Dung marsiajar halahi tolu taon honokna, angkon ro ma halahi manopot raja i.

DANIEL 1:5 ပူးပေါင်းရင်းမြစ်များ

1 RAJA-RAJA 10:8

Mogana i antong sudena angka dadaboru ni tuan i! Jana maruntung ma angka pagawe na tongtong di lambung ni tuan i, gabe tarbaen halahi dohot umbege angka poda habisuhon sian tuan i sandiri!

2 JUJUR TAON 9:7

Maruntung situtu ma da angka pagawe na sai tongtong di lambung ni tuan i gabe bolas ia umbege sasude pangajaran na bisuk na sian tuan i!

PODA 23:3

Ulang ho mangapian di sipanganon na tabo i, angke bisa do i manipu.

JEREMIA 15:19

Dialusi Tuhan ma, “Muda mulak ho, jagitonKu do ho mangulahi. Jana gabe naposongKu ho muse. Muda dibaritahon ho angka pangalaho na marguna jana nada hum hata-hata sajo, jadi gabe naposongKu ma ho mangulahi. Marroan ma angka jolma tu ho mangulahi.

DANIEL 1:19

Dung marsipatorangan dohot halahi sudena, diida raja i ma lumobi si Daniel, si Hananya, si Misael dohot si Asarya sian angka na asing i di sude ragam ni hapandean. Jadi mamungka ma halahi markarejo di bagas godang ni raja i.

DANIEL 1:8

Tapi tongtong do dijago si Daniel dirinia anso ulang ramun hara ni sipanganon dohot anggur na somal diinum raja i, dipangido ia ma tu pamimpin pegawe ni bagas godang i anso ulang diramuni ia.

MATEUS 6:11

Lehen ma di hami panganonnami na porlu sadari on,

LUKAS 1:19

Dialusi surusuruan i ma, “Si Gabriel do au. Mangoloi Debata do karejongku. Ia do na marsuru au paboahon Jamita Na Denggan on tu ho.

LUKAS 11:3

Lehen ma ganop ari sipanganon na porlu di hami.

LUKAS 21:36

Hara ni i tongtong ma hamu marjago jana martangiang anso taradopi hamu sude pangalaho na giot tarjadi i, jana tarbaen hamu ma mangadop tu Anak Ni Jolma i.”

1 SAMUEL 16:22

Dung i manongos tona ma si Saul tu si Isai, “Jop do rohangku mida si Daud. Paloas ma ia totop dison mangoloi au.”