DANIEL 1:17 - BIBEL JAMITA NA DENGGAN

¹⁷ Dilehen Debata ma tu doli-doli na opat i bisuk dohot hamaloon di parbinotoan taringot tu hata dohot ragam ni angka surat. Tambani i dilehen Ia muse do tu si Daniel hamaloon laho patorang parnidaan dohot nipi.

DANIEL 1:17 ပူးပေါင်းရင်းမြစ်များ

1 RAJA-RAJA 3:12

gabe oloanKu ma pangidoanmi. BaenonKu ma ho gabe halak na umbisuk, jana na umbahat pangastuion sian sude halak na dung jungada mangolu sanga halak na giot mangolu dope di portibi on.

1 RAJA-RAJA 3:28

Dung dibege halak Israel haputusan ni si Salomo taringot tu parkaro i, gabe homang ma halahi jana dipasangap halahi ma si Salomo. Tangkas ma tarida, na dung dilehen Debata disia habisuhon laho manimbang parkaro di bagasan hatigoran.

2 JUJUR TAON 1:10

Hara ni i sai lehen ma nian di au habisuhon dohot parbinotoan na huhaporluhon laho mamarenta halahi. Anggo nada songon i bia ma he pambaenku mamarenta bangsoMu na godang on?”

2 JUJUR TAON 1:12

Jadi hara ni i, lehenonKu ma di ho habisuhon dohot parbinotoan. Tamba ni i baenonKu ma ho mur tu makmurna, mur makayo jana tarbonggal sumurung sian angka raja sanga na dia di hatiha na dung salpu bope tu hatiha na giot ro.”

2 JUJUR TAON 26:5

Si Zakaria do panuturinia domu tu soal partondion. Salolot di ngolu ni si Zakaria, setia do si Usia maribadat tu Tuhan, jadi gabe dipasupasu Tuhan do ia.

JOB 32:8

Tapi anggo na mangalehen bisuk tu jolma, hum Tondi Ni Debata Na Markuaso i do da.

PODA 2:6

Tuhan do na mangalehen habisuhon; sian Ia do dapot jolma parbinotoan dohot pangastuion.

PARJAMITA 2:26

Debata do na mangalehen habisuhon, parbinotoan dohot hamogaan tu jolma na pasonangkon rohaNia. Tapi anggo halak pardosa disuru Ia do karejo manjalahi bohal dohot palagutkon suhana di halak na pasonangkon roha ni Debata. Jadi, sudena i magopo do songon karejo na manangkup angin.

JESAYA 28:26

Diboto ia do sanga na bia baenonnia mangkarejohon i, harana madung diajari Debata ia.

JEHESKIEL 28:3

Ninna rohamu ummalo do ho sian si Daniel, gabe nada adong be na buni di ho.

DANIEL 1:18

Di ujung ni sitolu taon parsiajaran ni halahi na ditontuhon ni raja i, dioban si Aspenas ma sude doli-doli i manopot Raja Nebukadnesar.

DANIEL 1:20

Ganop dipasahat raja i parsoalan na mamorluhon hatorangan dohot partimbangan, sampulu lompit dumenggan diida ia sipaingot dohot hatorangan ni doli-doli na opat i martimbangkon sipaingot dohot hatorangan ni sude partondung dohot panjampi na malo di sude harajaan i.

DANIEL 1:4

Angkon doli-doli na so martihas do halahi. Angkon tongam, parsikola dohot na tangkas parbinotoanna di sasudena, na pistar dohot na bahat parbinotoan jana na patut markarejo di bagasan bagas godang. Angkon ajaran ni si Aspenas halahi manyise dohot manyurat di hata Babel.

DANIEL 10:1

Di taon patoluhon dung mamarenta si Kores, raja ni halak Persia, dipaboa ma tona tu si Daniel na margoar muse si Beltsasar. Tutu do tona i salaho tu hasusaan na godang. Dung i ditiop ia ma hata i jana diparate-atehon ia ma parnidaan i.

DANIEL 2:19

Laing di borngin i dipaboa Debata ma tu si Daniel arti na di bagasan sada parnidaan. Jadi dipuji si Daniel ma Debata na di banua ginjang i.

DANIEL 2:21

Ia do na manontuhon musim dohot hatiha, dibalikkon Ia do parkuaso jana dipajongjong Ia. Laing Ia muse do na mangalehen habisuhon, jana na mambasa-basahon parbinotoan.

DANIEL 2:23

Ale Debata na nisomba ni daompung, hupuji jana hupasangap Ho. Dibaen dilehen Ho di au bisuk dohot gogo. Madung ditangihon Ho pangidoannami. Jana dipatuduhon Ho do alus tu raja i.”

DANIEL 2:30

Saonnari madung dipataridahon tu au rahasia i, nada hara ni na ummalo au sian angka na asing i, tapi anso bisa do botoon ni raja i taringot tu nipi ni raja i jana anso bisa diastui raja i taringot tu angka pikiran na ro tu raja i sandiri.

DANIEL 4:6

Jadi hupio ma angka halak na malo na adong di Babel laho patorangkon tu au astuan ni nipingki.

DANIEL 5:14

Hubege dirajai angka tondi ni debata na badia do ho, jana adong do di ho hapistaran, parbinotoan dohot bisuk na sumurung.

DANIEL 7:1

Di taon parjolo dung mamarenta si Belsasar, raja ni Babel, marnipi ma si Daniel jana dapotan parnidaan dipodomannia. Dung i, disuratkon ia ma pangarimpunanna, “Di borngin i dapotan parnidaan ma au, huida ma mangombus alogo na gogo sian humaliang jana gumalungsang ma laut na bidang i.”

DANIEL 8:1

Di taon patoluhon mamarenta Raja Belsasar, tarida ma tu au, si Daniel, sada parnidaan na asing sian parnidaan na parjolo.

BILANGAN 12:6

didok Tuhan i ma, “Tangihon hamu ma sanga aha na giot dohononKu! Muda adong angka panurirang di tonga-tongamunu, giot Hupatidahon diringKu tu halahi di bagasan parnidaan, jana mangkatai Au dohot halahi markite-hite nipi.

LUKAS 21:15

Au sandiri do mangalehen angka hata sidokkononmu dohot habisuhon, lopus nada tarbaen sahalak pe sian angka musumunu i mangalo dohot mangalusi sanga aha na nidokmunu i.

BAENON NI ANGKA RASUL 6:10

Tapi nada tarsoadahon halahi sanga aha na nidok ni si Stefanus i, harana madung dilehen Tondi Parbadia disia hamaloan mandok hata.

BAENON NI ANGKA RASUL 7:10

jana na paluahon ia sian sude parkancitannia. Dilehen ma tusia asi ni roha dohot bisuk di na kehe ia mangadop tu jolo ni raja ni Mesir i; diangkat raja i ma ia gabe kapala di tano Mesir, dohot di bagas godang ni raja i.

BAENON NI ANGKA RASUL 7:22

Sudena parbinotoan ni halak Mesir diajarkon do tusia jana gabe halak na marsahala situtu do ia muda mandok hata dohot mambaen sanga na aha.

KOLOSSE 1:9

I do umbaen na hami tangiangkon hamu tongtong mamungka hami bege taringot tu hamu. Hami pangido do tu Debata anso dilehen Tondi Parbadia nian di hamu hamaloan dohot pangastuion anso diboto hamu tangkas sanga aha na nipangido ni roha ni Debata.

JAKOBUS 1:17

Ganop silehen-lehen na denggan jana na sanggam sian banua ginjang i do ro; na nipaijur ni Debata na manompa sasudena na torang di langit i do sudena i. Ia do Debata na so muba-uba, jana nada mandao muse Ia sian hita, gabe adong do tading halinuNa humaliang hita.

JAKOBUS 1:5

Muda adong sanga ise sian hamu na hurang marroha, dipangido ia ma habisuhon sian Debata, gabe lehenon ni Debata ma disia habisuhon. Angke tu ganop halak do Debata mangalehen jana mardongan ibo ni roha.