BILANGAN 9:6 - BIBEL JAMITA NA DENGGAN

⁶ Tapi mangihutkon aturan ni ugamo, adong do sanga piga-piga halak na ramun, hara ni na dais halahi tu bangke, gabe nada tola halahi marpesta Paskah di ari i. Dung i gabe kehe ma halahi tu adopan ni si Musa dohot si Harun,

BILANGAN 9:6 ပူးပေါင်းရင်းမြစ်များ

HARURUAR 18:15

Dialusi si Musa ma, “Angkon songon i do baenonku, harana tu au do marroan angka halak na giot umboto lomo ni roha ni Debata.

HARURUAR 18:19

Antong, ihutkon ma sipaingotkon, gabe donganan ni Debata do ho. Tutu nian, na denggan do mangwakili bangso on di jolo ni Debata dohot na pasahatkon parsoalan ni halahi tusia.

HARURUAR 18:26

Gabe hakim ma halahi di bangso i lopus tu ujung ni ngolu ni halahi. Angka parkaro-parkaro na penting, tu si Musa ma dipasahat halahi, tapi anggo angka soal na menek-menek do, laing halahi noma pasidungkonsa.

HAMALIMON 21:11

Madung dipasahat ia tu Au, anso gabe Au nampuna ia, hara ni i nada tola ramun dirinia. Nada tola muse pahodaronnia Inganan Na Badia marhite na maninggalkon jana masuk ia tu bagas na adong disi bangke, haru pe bangke ni amangna sanga inangnia sandiri.

BILANGAN 15:33

Dioban ma bayo i tu jolo ni si Musa, si Harun dohot tu jolo ni na bahat i,

BILANGAN 19:11

Sanga ise na manjama bangke, ramun do ia pitu ari honokna.

BILANGAN 19:14

Muda adong halak na mate di bagasan sada bandar, sanga ise sajo na adong di bandar i hatiha parmatena i bope sanga ise na masuk tu bagasan bandar i, gabe ramun do salolot pitu ari.

BILANGAN 19:16

Muda adong manjama bangke ni jolma na dibunu sanga na mate di ladang songon parmate na somal, sanga muda adong manjama kuburan sanga holi-holi ni na mate gabe ramun do pitu ari honokna.

BILANGAN 19:18

Di bagasan pangalaho na parjolo, i ma halak na mate di bagasan bandar, angkon sada halak na dung ias mangihutkon ugamo do mambuat sarranting duhut hisop, dipamasuk tu aek lalu mamispis bandar i, sandok na adong di bagasan, rap dohot halak na adong disi. Di bagasan pangalaho na paduahon, i ma sahalak na manjama bangke, kuburan sanga pe holi-holi ni na mate angkon sahalak na ias mangihutkon ugamo do mamispisi halak na ramun i.

BILANGAN 27:2

Boru ni si Zelafehad na lima i kehe manopot si Musa dohot Malim Eleasar, dompak marlagut angka pamimpin dohot halak na bahat donok tu pintu Bandar Parmianan Ni Tuhan. Ninna halahi ma,

BILANGAN 27:5

Dung i dipabolkas si Musa ma pangalaho i tu Tuhan,

BILANGAN 5:2

“Parentahon ma tu halak Israel: Anso sude halak na marnyae kusta, sude halak na maraek-aek ruar sian pamatangnia dohot sude halak na ramun hara ni bangke angkon nisuru kehe maninggalkon parbandaran i.

BILANGAN 9:7

ninna ma, “Na ramun do hami, angke dais hami tu bangke. Tapi biasi dipaolat hami, gabe so tarbaen be hami dohot manghaulkon haulnami tu Tuhan rap dohot angka kahangginami sabangso?”

JOHANNES 18:28

Dung i dioban halahi ma Jesus sian bagas ni si Kayafas tu inganan ni gubernur. Manyogot dope hatiha i. Anggo halak Jahudi i sandiri nada pola masuk tu bagasan inganan i, anso ulang gabe ramun halahi mangihutkon ugamo, hara ni na giot dohot halahi mangankon sipanganon Paskah.