BILANGAN 8:7 - BIBEL JAMITA NA DENGGAN

⁷ songon on ma pambaenna: pispis ma halahi dohot aek na dung mardohonan di upacara i, dung i suru halahi mancukur sude pamatang ni halahi dohot mamasu pakean ni halahi. Dung i gabe ias ma halahi mangihutkon ugamo.

BILANGAN 8:7 ပူးပေါင်းရင်းမြစ်များ

PAMUNGKAAN 35:2

Jadi didok si Jakob ma tu halahi na sabagas dohot tu sude halaknia, “Ambungkon hamu ma sandok dewa na asing na adong ditiop hamu; paias hamu ma dirimunu jana pake hamu ma pakean na ias.

MASMUR 51:2

Basu ma sude hajahatanku paias ma au sian sude dosangku.

MASMUR 51:7

Buat ma dosangki, gabe ias ma au; basu ma au, jadi gabe umbontar ma au sian hapas.

HARURUAR 19:10

jana didok Tuhan ma tusia, “Kehe ma ho manopotkon halahi jana suru ma halahi marhobas sadari on dohot ancogot laho maribadat. Angkon basuon ni halahi do pakeanna be.

JESAYA 52:15

Tapi anggo saonnari bahat bangso homang hara ni ia, mangkohom angka raja hara ni longangna. Angke na so dibaritahon humani tu halahi, ligion ni halahi ma saonnari, dohot aha na so binege ni halahi, astuanna ma saonnari.

JEREMIA 4:14

O Jerusalem, ambungkon ma hajahatan sian bagasan rohamu anso dipalua ho. Sadia honok nari angka pikiran na jahat i sai simpan-simpanonmu di bagasan rohamu?

JEHESKIEL 36:25

Dung i pispisonKu ma hamu dohot aek na lan, anso ias hamu sian sude gana-ganaanmunu dohot sian sasude na pahodarkon hamu.

HAMALIMON 15:27

Sanga ise dais tu inganan i gabe ramun. Angkon basuonnia pakeannia lalu maridi, ramun do ia lalu tu andospotang.

HAMALIMON 16:28

Halak na manutung i, angkon mamasu pakeanna lalu maridi taran so mulak ia tu parbandaran.”

HAMALIMON 8:6

Disuru si Musa ma si Harun dohot angka anakna i tu jolo, jana disuru ia halahi mamasu diri ni halahi mangihutkon ugamo.

BILANGAN 19:13

Sanga ise na manjama bangke jana nada dipaias ia pamatangnia, i ma halak na ramun, angke aek na dung ditontuhon i nada disiramkon dope tusia. Na paramunkon Bandar Parmianan Ni Tuhan do ia, hara ni i nada etongon be ia halak ni Debata.

BILANGAN 31:20

Ganop pakean bope sanga aha pe tehe na nipauli sian bobak, imbulu ni hambeng sanga hayu angkon paiason.”

BILANGAN 8:21

Dung i halak Levi i pe angkon paias diri halahi mangihutkon ugamo dohot mamasu pakean ni halahi, jadi lehenon ni si Harun ma halahi gabe silehen-lehen na mardohonan tu Tuhan. Angkon baenonnia muse do karejo hasesaan ni dosa ni halahi.

IBRANI 9:10

Harana anggo angka upacara na songon i na marpardomuan tu sipanganon sajo do i dohot siinumon bope angka ragam-ragam ni upacara na mambaen ias. Hum angka Tona na tarida do na mardalan i lopus tu hatihana sanga andigan baenon ni Debata haimbaruan.

IBRANI 9:13

Anggo mudar ni hambeng jantan dohot mudar ni lombu jantan bope tiranggong ni haul anak ni lombu i, dipispiskon tu angka halak na hodar do i – mangihutkon Tona ni ugamo; anso ias halahi. Antong, muda tarpaias mudar i do halahi sian hahodaran na nidok ni ugamo,

JAKOBUS 4:8

Pasolkot hamu ma tu Debata, jana Debata pe padonohonNa ma tu hamu. Hamu dongan na mardosa, paias hamu ma tanganmunu! Hamu na mardua roha, paias hamu ma rohamunu.

1 PETRUS 3:21

Antong, na masa i ma na gabe gambaran ni pandidion sisaonnari on na paluahon hamu. Nada karejo na giot paiaskon angka na hodar di pamatangniba pandidion i, tapi songon janjimunu do i tu Debata sian taroktok na denggan. Gabe dipalua pandidion i ma hamu hara ni na dung mulak mangolu Jesus Kristus mangulahi sian hamatean,

HALUMBAAN 7:14

Jadi hualusi ma, “Tuanku, ho do na umbotosa.” Dung i didok ia ma tu au, “Halak on ma angka na malua sian hasusaan na godang i. Madung dibasu halahi baju juba ni halahi jana bontar dibaen mudar ni Anak Ni Biri-biri i.