BILANGAN 7:9 - BIBEL JAMITA NA DENGGAN

⁹ Tapi anggo anak ni si Kehat, nada adong dijagit halahi padati dohot lombu sian si Musa, angke sude barang-barang na badia siuruson ni halahi, angkon porsanon ni halahi di abara ni halahi.

BILANGAN 7:9 ပူးပေါင်းရင်းမြစ်များ

2 SAMUEL 6:13

Jadi dung mangalangka angka jolma na maroban Poti Parjanjian i onom langka, disuru si Daud ma halahi maradian. Dung i dihaulkon ia ma tu Tuhan haul lombu jantan dohot anak ni lombu na dipamokmok.

2 SAMUEL 6:3

Dibuat ma Poti Parjanjian i sian bagas ni si Abinadab na di ginjang tor i jana dipamasuk ma tu kareta na imbaru. Dung i diihutkon si Usa dohot si Ahio anak ni si Abinadab i ma kareta i. Si Usa ma di lambung ni kareta i,

2 SAMUEL 6:6

Dung lalu halahi di pardegean ni gandum na di Nakon, tartuktuk ma lombu na manarik kareta i, jana disurduhon si Usa ma tangannia laho maniop Poti Parjanjian i.

1 RAJA-RAJA 8:3

Dung i diangkat angka malim i ma Poti Parjanjian i,

1 JUJUR TAON 15:13

Di na dipapinda parjolo situtu Poti i, nada adong sian hamu na ro, jadi hara ni i, diuhumi Tuhan Debatanta hita, angke tabaen antong ibadat na so cocok tu na nihagiotanNia.”

1 JUJUR TAON 15:3

Dung salpu i dipiohon si Daud ma sudena halak Israel ro tu Jerusalem laho paimbarkon Poti Parjanjian ni Tuhan i tu inganan na niparadenia i.

1 JUJUR TAON 23:26

Hara ni i, nada jabat dohot be halak Levi mananggung na hasaya di Bandar Ni Tuhan dohot sude parkokas sipakeon di paribadatan.”

BILANGAN 3:31

Halahi do nampuna karejo mangurus Poti Parjanjian, meja, inganan ni lampu, angka langgatan, angka parkokas na nipake ni malim di Inganan Na Badia, dohot tire na di Bilik Na Sun Badia i. Halahi do nampuna karejo na mardomu tu barang-barang na disi.