BILANGAN 6:9 - BIBEL JAMITA NA DENGGAN

⁹ Muda gabe hodar obuk ni sada halak nasir na dung mardohonan tu Tuhan hara ni na topet ia di lambung ni sada halak na mate ompot, angkon painteonnia pitu ari honokna dung i angkon dicukur ia obuknia dohot janggutnia disi pe anso ias ia.

BILANGAN 6:9 ပူးပေါင်းရင်းမြစ်များ

JEHESKIEL 44:27

lalu kehe ma ia tu alaman parbagasan na di BagasKu, jana haulkononna haul laho paias dirina anso tola ia mangulahi markarejo ni BagasKu. Au Tuhan Debata madung mandok songon i.

HAMALIMON 14:8

Dung i angkon basuon ni halahi ma pakeanna, obukna pe angkon dicukur sude lalu maridi. Dung i ias ma ia, tola ma ia masuk tu parbandaran i, tapi pitu ari honokna nada tola ia masuk tu bandarnia sandiri.

HAMALIMON 14:9

Di ari papituhon angkon cukuronnia mangulahi ulunia, dung i janggutna, salibonna dohot sude imbulu na di pamatangnia angkon dicukur. Dung i angkon dibasu ia pakeannia lalu maridi. Dung i pe ias ma ia mangihutkon ugamo.

BILANGAN 6:18

Di pintu ni Bandar Parmianan Ni Tuhan angkon cukuron ni nasir i obukna, dung i pamasuhonna tu api inganan ni haul haluaan i hatiha ditutung.

BILANGAN 6:8

Salolot nasir dope ia madung halak na mardohonan ia di Tuhan.

BAENON NI ANGKA RASUL 18:18

Anggo si Paulus laing honok dope ia tinggal di Korintus. Dung i marhata partinggal ma ia tu angka halak na porsaya i disi, kehe ma ia markapal dohot si Priskila dohot si Akuila tu Siria. Di Kengkrea ma dipangkas obuk ni si Paulus na ginjang i hara ni haulnia tu Tuhan.

BAENON NI ANGKA RASUL 21:27

Jadi giot abis ma sipitu ari i, adong ma deba halak Jahudi na sian Luat Asia marnida si Paulus di Bagas Ni Debata. Digaori halahi ma roha ni halak na bahat i, dung i ditangkup ma si Paulus

PANGARATAION 21:12

Oban ma anakboru i tu bagasmu. Angkon guntingonnia ma obuknia i disi, gotaponnia sisilonna,