BILANGAN 5:3 - BIBEL JAMITA NA DENGGAN

³ Bope halaklahi sanga dadaboru angkon suruonmu kehe tu balian ni parbandaran, anso ulang diramuni halahi inganan parbandaran, ingananKu rap dohot halahi.”

BILANGAN 5:3 ပူးပေါင်းရင်းမြစ်များ

MASMUR 68:18

Manaek ma Ia tu inganan na gincat mardongan sahala, bahat do dioban Ia angka na tartaban; jana dijagit Ia do silua somba-somba sian angka jolma, jana dohot sian angka pangalo, anso maringan. halahi rap dohot Tuhan Debata.

HARURUAR 25:8

Suru ma anso dibaen bangso i di Au sada Bandar Na Badia, anso maringanan Au di tonga-tonga ni halahi.

HARURUAR 29:45

Maringanan ma Au di tonga-tonga ni halak Israel, jana Au ma Debata ni halahi.

JESAYA 12:6

Suruhon ma sude halak na maringanan di Sion, marsurak jana marende marjop ni roha. Na marmulia situtu do Debata Na Badia ni Israel, maringanan di tonga-tonga ni bangsoNia do Ia.”

HAMALIMON 14:8

Dung i angkon basuon ni halahi ma pakeanna, obukna pe angkon dicukur sude lalu maridi. Dung i ias ma ia, tola ma ia masuk tu parbandaran i, tapi pitu ari honokna nada tola ia masuk tu bandarnia sandiri.

HAMALIMON 15:31

Disuru Tuhan do si Musa paingotkon halak Israel anso diparate-atehon halahi sanga andigan halahi ramun jana andigan na so ramun, anso ulang gabe dipahodar halahi Bandar Parmianan Ni Tuhan na di tonga-tonga ni parbandaran ni bangso i. Muda dipahodar halahi Bandar Na Badia i, angkon bunuon halahi.

BILANGAN 16:3

Rap kehe ma halahi mandapotkon si Musa dohot si Harun lalu didok halahi, “Musa, tangihon jolo: Ganop jolma di bangso Israel na dung hapunjungan ni Tuhan do i. Jana di tonga-tonga ni hita sude do Tuhan i. Hape biasi dietong ho gumincat ho sian sude halak ni Tuhan i? Sude na binaenmu madung manyalpui aturan.”

BILANGAN 19:22

Sanga aha na nijama ni halak na ramun i gabe ramun muse, dohot halak na asing na manjamasa gabe ramun muse lalu tu andospotang.

BILANGAN 35:34

Ulang ramuni hamu tano na niingananmunu, angke Au do Debata, jana Au maringanan di tonga-tonga ni bangso Israel.”

BILANGAN 5:4

Dipatulus halak Israel do na niparentahon ni Tuhan tu si Musa, jana disuru halahi ma na marnyae i maninggalkon parbandaran.

PANGARATAION 23:14

Jagohon hamu anso tong-tong ias bandarmunu i, dibaen didongani Tuhan Debatamunu do hamu di bandarmunu i laho mangondihon hamu dohot mangalehen hamonangan di hamu maralohon musumunu. Ulang ma baen hamu pangalaho na so tama na mambaen marbalik Tuhan sian hamu.”

PANGARATAION 23:15

“Muda adong sada hatoban na lari sian tuanna jana ro tu hamu mangido parlindungan, ulang suru hamu ia mulak.

2 TESSALONIKA 3:6

Mangasahon kuaso ni Tuhan Jesus Kristus hami paingot ma hamu ale angka dongan, paholang hamu ma dirimunu sian angka dongan na losok, jana na so manangihon pangajaran na hami ajarkon tu hamu.

TITUS 3:10

Sanga ise na patubu bada di parlagutan i angkon paingotonmu do sanoli sanga dua noli; dung i indangkon be sai mardomu ho dohot halakna i.

HALUMBAAN 21:27

Tapi sanga ise halak na mangkarejohon angka pangalaho sihailahononkon, dohot angka pargabus, nada dipatola masuk tu bagasan – pendekna sandok na hodar, nada tola dioban masuk tu bagasan. Anggo na dipatola masuk tu bagasan, hum angka halak na tarsurat do goarna di bagasan buku hangoluan ni Anak Ni Biri-biri i.

HALUMBAAN 21:3

Dung i hubege ma sada sora na gogo sian habangsa i mandok, “Ligi ma, bandar ni Debata adong di tonga-tonga ni jolma, jana maringanan ma Ia di tonga-tonga ni halahi. Gabe Ia noma Debata ni halahi, jana halahi ma gabe bangsoNia.