BILANGAN 5:2 - BIBEL JAMITA NA DENGGAN

² “Parentahon ma tu halak Israel: Anso sude halak na marnyae kusta, sude halak na maraek-aek ruar sian pamatangnia dohot sude halak na ramun hara ni bangke angkon nisuru kehe maninggalkon parbandaran i.

BILANGAN 5:2 ပူးပေါင်းရင်းမြစ်များ

2 RAJA-RAJA 7:3

Di ari i adong ma opat halak na huliton na lobi jorbut di ruar ni horbangan ni Samaria. Mangkatai ma halahi sama halahi, “Aha dope he gunana juguk-juguk hita dison painte-inte mate?

HAMALIMON 13:45

Sahalak na hona kusta na jorbut i, angkon pakean na masuak-suak do pakeonnia jana padiaron obukna nada nisuri, angkon tutuponnia do di toru ni bohina jana marsurak-surak mandok: “Ramun, ramun!”

HAMALIMON 13:46

Salolot diae ia nyae i, ramun do ibana. Angkon di balian ni parbandaran do ingananna, dao sian halak na asing.

HAMALIMON 13:8

Paresoon ni malim i ma mangulahi, muda tutu na dung mur tu raratna nyae i, dipabotohon ma na dung ramun halakna i; na dung huliton na gabe parmaraan do i.

HAMALIMON 14:8

Dung i angkon basuon ni halahi ma pakeanna, obukna pe angkon dicukur sude lalu maridi. Dung i ias ma ia, tola ma ia masuk tu parbandaran i, tapi pitu ari honokna nada tola ia masuk tu bandarnia sandiri.

HAMALIMON 21:1

Disuru Tuhan ma si Musa pabolkaskon parenta on tu angka malim sian pomparan ni si Harun, “Sada halak malim, nada tola paramunkon dirina hara ni na mandohoti adat mananom sisolkotnia,

HAMALIMON 23:29

Sanga ise na mangan bagi aha di ari i, nada etongon be ia halak ni Debata.

BILANGAN 12:10

ditinggalkon ombun i ma Bandar Parmianan Ni Tuhan, gabe tompu ma hona nyae kusta na jorbut si Miryam. Bontar huling-kulingnia songon hapas. Hatiha manaili si Harun tu si Miryam diida ia ma na dung hona kusta si Miryam.

BILANGAN 12:14

Dialusi Tuhan i ma, “Sugari ma ditijuri amangnia bohinia, manaon layas ma ia di bagasan pitu ari. Antong padao ma ia sian parbandaran i pitu ari honokna, dung i pe anso tola ia masuk mangulahi.”

BILANGAN 31:19

Jadi saonnari hamu na dung mamunu sada-sada halak jana na dung dais tu bangke angkon tinggal hamu di balian ni parbandaran pitu ari honokna. Di ari patoluhon dohot papituhon sude hamu dohot dadaboru na nitaban i, angkon paiaskon diri.

BILANGAN 5:1

Didokkon Tuhan ma tu si Musa,