BILANGAN 4:5 - BIBEL JAMITA NA DENGGAN

⁵ Dilehen Tuhan ma angka parenta tu si Musa songon on: Muda dapot hatiha mambuka parbandaran i, angkon masuk ma si Harun dohot angka anaknia tu Bandar ParmiananKu, lalu paijurkon tire na di jolo ni Poti Parjanjian, dung i ditutup ma Poti i dohot tire i.

BILANGAN 4:5 ပူးပေါင်းရင်းမြစ်များ

1 JUJUR TAON 15:15

Jana di na paimbarkon Poti i, ditandu halahi ma mamake porsan-porsan di abara ni halahi, domu tu na dung diaturkon ni Tuhan markite-hite si Musa.

1 JUJUR TAON 23:26

Hara ni i, nada jabat dohot be halak Levi mananggung na hasaya di Bandar Ni Tuhan dohot sude parkokas sipakeon di paribadatan.”

2 JUJUR TAON 3:14

Laing dibaen do tire di Bilik Na Sun Badia i, i ma sian abit linen dohot abit na asing na rata langit, na bunga torung dohot na rara. Dihiasi do tirena i dohot gambar ni kerub.

HARURUAR 36:35

Dibaen halahi muse do tire sian abit linen na halus na ditonun mardongan wol na rata langit, na bunga torung dohot na rara, na marsulamkon kerub.

HARURUAR 40:3

Pamasuk ma tu bagasan Bandar Parmianan Poti Parjanjian na marisi Parenta Na Sampulu i lalu pasang ma tire di jolona i.

HARURUAR 40:5

Payakkon ma langgatan sere inganan panutungan ni hamonyan i di jolo ni Poti Parjanjian i jana angkon di pintu ni Bandar Parmianan do gantungkononmu tirena i.

JESAYA 25:7

BuatonNia sian halahi di ginjang ni dolok i ombun hamarsahan na mambalut angka bangso.

HAMALIMON 16:2

Ning Ia ma, “Pabolkas ma tu angkangmu si Harun, anso hum di hatiha na dung ditontuhon do tola masuk ia tu Bilik Na Sun Badia di pudi ni hire-hire i, angke disi do giot patidahononKu diringKu di bagasan ombun di ginjang ni Poti Parjanjian i. Muda dilaosi si Harun do parenta i, hona bunu ma ia.

BILANGAN 10:14

Ganop mardalan halahi tongtong mangihutkon barisan na somal. Angka na mardalan di toru ni mandera parsadaan na niuluhon ni Marga Juda do mardalan parjolo, dung i angka parangan marudut-udut na niuluhon ni si Nahason anak ni si Aminadab.

BILANGAN 4:15

Muda dapot hatiha mambuka parbandaran i horong ni Marga Kehat angkon ro be ma mamorsan barang-barang na badia i, tapi angkon dung sidung pe ditutupi si Harun dohot angka anaknia barang-barang bope parkokasna i. Angke halak sian Marga Kehat, nada tola dais tu barang-barang na badia i, muda dais halahi angkon mate halahi. Songon i ma karejo ni Marga Kehat muda giot paimbaron ma Bandar Parmianan.

BILANGAN 4:4

Karejo ni halahi, i ma mangurus barang-barang na sun badia i.

BILANGAN 7:9

Tapi anggo anak ni si Kehat, nada adong dijagit halahi padati dohot lombu sian si Musa, angke sude barang-barang na badia siuruson ni halahi, angkon porsanon ni halahi di abara ni halahi.

MATEUS 27:51

Dung i manigor masibak ma tire na di Bagas Ni Debata bola dua sian ginjang lalu tu toru. Humutur ma tano i, mangkabola ma angka dolok batu.

PANGARATAION 31:9

Dung i disuratkon si Musa ma angka Tona Ni Tuhan Debata jana dilehen ia ma i tu angka Malim Levi na ditugaskon mangurus Poti Parjanjian i, dohot tu angka pamimpin ni Israel.

IBRANI 10:20

Madung dibuka Ia dalan na imbaru, jana na mangolu do hita markite-hite tire i, i ma pamatang ni Jesus sandiri.

IBRANI 9:3

Dibagasanna i muse, i ma na di balik ni tire na paduahon, adong ma sada bilik na nigoaran Bilik Na Sun Badia.

1 SAMUEL 6:19

Tapi hara ni na ditungkir ni halak Bet-Semes tu bagasan Poti Parjanjian ni Tuhan i, gabe hona bunu do dibaen Tuhan sian halahi pitu pulu halak. Gabe marsiluluton ma rayat i hara ni na nipadondonkon ni Tuhan sitaonon na songon i godang tu halahi.