BILANGAN 4:32 - BIBEL JAMITA NA DENGGAN

³² Dohot angka tiang na di alaman humaliang Bandar Parmianan dohot ojahanna, pago-pagona, angka tali bope sude parkokas na nipake laho pajongjongkon. Ganop halak ditontuhon do siobanonna.

BILANGAN 4:32 ပူးပေါင်းရင်းမြစ်များ

1 JUJUR TAON 9:29

Deba nari salaho tu angka panjamaan ibadat ma tanggung jawabna dohot na mangkobasi topung, anggur, miak zetun, hamonyan dohot parmasakna bage.

HARURUAR 25:9

Angkon marguru tu sangkap na giot patuduhononKu tu hamu do baenonmunu Bandar Parmianan dohot sude panjamaan sipakeon disi.”

HARURUAR 27:9

“Maralaman do baenonmu humaliang Bandar ParmiananKi, na nihandang dohot tire sian abit linen na halus. Bagian na sabola Selatan i, 44 meter ginjangna,

HARURUAR 38:17

Sian tumbaga do dibaen ojahan ni angka tiangna i, tapi anggo sangkotan, parsambungan dohot ujung ni tiang i sian perak do dibaen. Dibaen do sambungan ni tiang na humaliang alaman i sudena, sada tu na asing dohot sambungan na sian perak.

HARURUAR 38:21

Songon on ma bahat ni logam na dipake di bagasan Bandar Parmianan Ni Tuhan, inganan panyimpanan ni batu na dua lembar panyuratan ni Parenta Na Sampulu i. Na ditonahon ni si Musa do anso disuratkon angka halak Levi na niuluhon ni si Itamar anak ni si Harun.

BILANGAN 3:36

Karejo ni halahi mangurus parhayu ni Bandar Parmianan, angka balok, tiang ojahanna, dohot sude parkokasna. Halahi do nampuna karejo na mardomu tu angka barang-barang i.

BILANGAN 3:8

Angkon uruson ni halahi sude parkokas na di Bandar Parmianan bope mangkarejohon angka karejo tu halak Israel na asing i.

BILANGAN 4:31

Disuru do halahi maroban parhayu ni Bandar Parmianan, angka balok, tiang dohot ojahanna.

BILANGAN 4:33

Songon i ma na dilehen tu halak sian Marga Merari taringot tu karejo di Bandar Parmianan, jana karejohonon ni halahi karejo i mangihutkon pangatur ni si Itamar anak ni si Harun.

BILANGAN 4:49

Domu tu parenta ni Tuhan i marhite si Musa, sude halak angkon didaftarkon jana dilehen karejona be sanga aha pe na angkon karejohononna jana sanga aha na angkon porsanonnia.

BILANGAN 7:1

Di ari hasisidung ni Bandar Parmianan Ni Tuhan i dipajongjong si Musa, dipasahat ia ma Bandar i dohot sude parkokasna tu Tuhan i marhite upacara pamiahion. Laing songon i dibaen halahi tu langgatan i dohot tu parkokasna.

BILANGAN 7:8

opat padati dohot salapan lombu tu anak ni si Merari. Sude karejo ni halahi angkon karejohonon ni halahi marguru tu pangatur ni si Itamar, anak ni si Harun.