BILANGAN 4:12 - BIBEL JAMITA NA DENGGAN

¹² Sude parkokas na nipake di Inganan Na Badia i, angkon buaton ni halahi jana bungkuson tu abit na rata langit, dung i ditutup muse dohot sangkarambar bobak na halus, dung i dipayakkon di ginjang ni inganan pamorsananna.

BILANGAN 4:12 ပူးပေါင်းရင်းမြစ်များ

1 JUJUR TAON 9:28

Deba halak Levi i, salaho tu angka parkokas ibadat ma tanggung jawabna. Halahi ma na mangetong muda dompak mangharuarkon dohot paulakkon.

1 JUJUR TAON 9:29

Deba nari salaho tu angka panjamaan ibadat ma tanggung jawabna dohot na mangkobasi topung, anggur, miak zetun, hamonyan dohot parmasakna bage.

2 JUJUR TAON 4:11

Dibaen si Hiram kapala ni tukang i ma huali, sodok dohot angka mangkuk. Jadi sidung ma sude dipauli ia panjamaan di Bagas Ni Tuhan hombar tu na nijanjihonnia tu Raja Salomo. Angka on ma parkokas i: Dua tiang na godang Dua kapala tiang na dipasang di ujung ni tiang i dua-duana Rante na dibayu di ganop kapala ni tiang i Opat ratus dalimo loyang na disusun dua baris, ganop baris ma i saratus dalimo, humaliang puyuan ni rante di ganop ulu ni tiang i Sampulu kareta Sampulu sambong na godang Bak Dua bolas lombu tumbaga na manahan bak i Angka huali, sodok-sodok dohot angka garpu. Sian loyang do sude parkokas i dibaen si Hiram, digosok ia ma i sude lopus marlinang. Hombar tu parenta ni Raja Salomo do i sudena dipauli ia baen di Bagas Ni Tuhan.

2 JUJUR TAON 4:19

Disuru Raja Salomo muse dope paulihon angka parkokas na asing sian sere na polin sipakeon di Bagas Ni Tuhan. I ma: Langgatan Angka meja inganan ni roti radean Sude pat ni parlampuan dohot lampuna sian sere na matobang, i ma sipagaraon di jolo ni Bilik Na Sun Badia, hombar tu sangkap hian Angka hiasan na songon bunga Angka lampu Gampit-gampit ni api Pangintopi ni lampu Angka mangkuk Pardupaan Inganan ni banggar Sude pintu ruar ni Bagas Ni Tuhan dohot pintu ni Bilik Na Sun Badia na dilampis dohot sere.

HARURUAR 25:5

huling-kuling ni biri-biri jantan na niraraan, huling-kuling na nipahalus, hayu akasia,

HARURUAR 25:9

Angkon marguru tu sangkap na giot patuduhononKu tu hamu do baenonmunu Bandar Parmianan dohot sude panjamaan sipakeon disi.”

HARURUAR 31:10

pakean malim na tumbuk di si Harun dohot angka dakdanaknia, i ma sipakeon ni halahi muda hatiha mandalankon karejo songon malim,

BILANGAN 3:8

Angkon uruson ni halahi sude parkokas na di Bandar Parmianan bope mangkarejohon angka karejo tu halak Israel na asing i.

BILANGAN 4:11

Dung i pahirbangon ni halahi ma sangkarambar abit na rata langit di ginjang ni langgatan sere i jana ditutup muse dohot sangkarambar bobak na halus, dung i dipamasuk ma hayu pamorsan ni langgatan i.

BILANGAN 4:13

Angkon paiason langgatan i ulang adong abuan na marisi tabo-tabo, dung i pahembangon sangkarambar abit na bunga torung di ginjangna.

BILANGAN 4:6

Dung i angkon tutupon ni halahi dope dohot sangkarambar bobak na halus, dung i dipahirbang ma sangkarambar abit na rata langit di ginjangna, dung i dipamasuk ma hayu pamorsan ni Poti i.

BILANGAN 4:7

Angkon pahembangon ni halahi muse sada abit na rata langit di ginjang meja inganan ni roti silehenon tu Tuhan i, di ginjang meja i angkon payakkonon pinggan, talam inganan ni hamonyan, talam inganan ni haul dohot mangkuk inganan ni aek ni anggur sihaulkonon. Angkon tongtong do adong roti di meja i.

BILANGAN 4:9

Angkon buaton ni halahi muse sangkarambar abit na rata langit laho manutup inganan ni lampu dohot angka lampuna, jungkit-jungkitna dohot pangintopina bope sude inganan ni miak zetun.