BILANGAN 28:3 - BIBEL JAMITA NA DENGGAN

³ “Angka on ma haul sipanganon na angkon sihaulkononmunu tu Tuhan. Na gabe haul ganop ari, dua anak ni biri-biri jantan na marumur sataon na so martihas.

BILANGAN 28:3 ပူးပေါင်းရင်းမြစ်များ

1 JUJUR TAON 16:40

Manyogot dohot potang angkon haulkonon ni halahi haul situtungon di ginjang ni langgatan hombar tu aturan na nilehen ni Tuhan tu halak Israel.

2 JUJUR TAON 8:13

Mangihutkon uhum ni si Musa do dibaen ia pasahatkon angka haul i di ganop ari pesta: Di Ari Sabat, Ari Pesta Bulan Baru, dohot ari pesta na tolu siganop taon, i ma Ari Pesta Ni Roti Na So Marragi, Ari Pesta Paskah, dohot Ari Pesta Undung-undung Bulung Rata.

ESRA 3:5

Tamba ni i taratur ma dipasahat halahi haul situtungon dohot haul di Ari Pesta Bulan Baru, dohot di sude parsuoan na asing na dipatupa laho marsomba Tuhan. Dipasahat halahi muse haul na niojar ni rohana be tu Tuhan.

DANIEL 11:31

Ramun ma inganan na badia i baenon ni piga-piga halak sian tentarania i. Soadahonon ni halahi ma haul siganop ari jana pajongjongon ni halahi ma Hajahatan Na Mangagohon.

DANIEL 12:11

Mamungka sian na diantak haul siganup ari i jana dipajongjong Hajahatan Na Manyegohon i, 1.290 ari ma honokna.

DANIEL 8:11

Mur dialo ia muse ma dohot Panglima ni tentara ni banua ginjang, diantak ia haul parhaulan siganop ari na dihaulkon tu Panglima i, jana dirupakkon ia ma bagas paribadatan tuSia.

DANIEL 8:13

Dung i hubege ma sahalak surusuruan mandok tu donganna, “Sadia honok mardalan sude na tarida di bagasan parnidaan i? Intap ni andigan dosa godang i manggontihon haul si ganop ari? Olat ni sadia honok do marlaku parnidaan on, i ma haul si ganop ari, hajahatan na mangagohon, inganan na badia na dung dilehen tentara banua ginjang i didege-dege?”

HAMALIMON 3:5

Sudena i rap dohot haul situtungon na asing i, tutungon ni malim ma i di ginjang ni langgatan i. Uap ni haul sipanganon i ma pajop roha ni Tuhan.

HAMALIMON 6:9

mangalehen tu si Harun dohot tu angka dakdanakna deba nari angka aturan taringot tu haul situtungon. Angkon tinggalkonon ni malim do haul i di ginjang ni langgatan saborngin i, bope api ni langgatan i angkon dipadiar marjilam.

AMOS 4:4

“Ro ma tu Betel jana karejohon ma angka na jat, tu Gilgal jana mur pahebat ma karejo na jat i! Pupu hamu ma manghaulkon haul i ganop ari, jana oban ma haul parsampuluanmu ganop di ari patoluhon!

BILANGAN 28:10

Haul situtungon i angkon dihaulkon ganop Ari Sabat songon tamba ni haul siganop ari rap dohot haul aek ni anggur.”

BILANGAN 28:15

Songon tamba ni haul situtungon siganop ari dohot haul aek ni anggur, angkon laing lehenonmunu dope sada hambeng jantan gabe haul hasesaan ni dosa.”

BILANGAN 28:23

Sude haul on na gabe tamba-tamba tu haul situtungon manyogot na somal.

BILANGAN 28:24

Dos dohot i pangalahona angkon lehenonmunu tu Tuhan haul sipanganon pitu ari honokna. Tamba ni haul na somal di haul situtungon siganop ari do on rap dohot haul anggur. Uap ni haul i pajopkon roha ni Tuhan.

BILANGAN 28:31

Angka haul on rap dohot haul anggur na gabe tamba-tamba tu haul situtungon siganop ari do i dohot haul gandum.”

BILANGAN 28:4

Anak ni biri-biri na parjolo angkon dihaulkon manyogot jana na paduahon di potang ari.

BILANGAN 29:11

Asing sian hambeng na dihaulkon di ari hasesaan ni dosa ni na bahat i, lehen hamu muse dope sada hambeng jantan gabe haul hasesaan ni dosa. Haul situtungon siganop ari rap dohot haul gandum dohot haul aek ni anggurna, angkon haulkonon muse do di ari i.”

BILANGAN 29:16

Asing sian i angkon haulkononmunu sada hambeng jantan gabe haul hasesaan ni dosa. Haul i gabe tamba-tamba tu haul situtungon siganop ari rap dohot haul gandum dohot haul aek ni anggurna.

BILANGAN 29:6

Angka haul on ma na gabe tamba-tamba tu haul situtungon na dilehen rap dohot haul gandumna, di tanggal sada ganop bulan. Laing gabe tamba-tamba do i tu haul situtungon siganop ari na dilehen rap dohot haul gandum dohot haul aek ni anggurna. Uap ni angka haul sipanganon i pajopkon roha ni Tuhan.”

JOHANNES 1:29

Ancogotna i diida si Johannes ma ro Jesus mandapotkon ia. Didok si Johannes ma, “Ligi ma! Indi ma ibana Anak Ni Biri-biri Ni Debata na manyesa dosa ni portibi on!

IBRANI 9:6

Songon i ma dibaen pangaturna sude. Ganop ari angkon masuk ma angka malim i tu bagasan bilik na parjolo i laho mandalankon karejo ni halahi.

HALUMBAAN 13:8

Sombaon ni sude jolma na mangolu di ginjang tano on ma binatang i, i ma angka halak na so tarsurat goarna di buku hangoluan ni Anak Ni Biri-biri na dung disambol i, mamungka sian panompaon ni portibi on.