Dung i didok si Musa ma tu bangso Israel, “On ma tano sijagitonmunu marhite undi, tano na niparentahon ni Tuhan i angkon bagi-bagion tu sambilan satonga marga ni Israel.
Dirampas si Josua ma sude luat i songon na dung diparentahon ni Tuhan tu si Musa. Dung i dilehen ia ma luat i jana dibagi-bagihon tu bangso Israel gabe halahi puna; sabagian be ma ganop marga. Mantak muse ma bangso Israel na marporang i.
Songon na niparentahon ni Tuhan tu si Musa, anggo luat na di Hasundutan ni Batang aek Jordan ditontuhon do gabe bagian ni sambilan satonga marga ni Israel. Jana angkon diundi do parbagina baenon.
