BILANGAN 26:3 - BIBEL JAMITA NA DENGGAN

^3-4 Dipatulus si Musa dohot si Eleasar ma parenta i. Dipio halahi ma sude halaklahi, pungu-pungu sude na satorbang mangihutkon umurna. Dipalagut halahi ma di tano na hornop na di Moab, di bariba ni Batang aek Jordan donok tu Jeriko. Angka on ma halak Israel na haruar sian Mesir i:

BILANGAN 26:3 ပူးပေါင်းရင်းမြစ်များ

BILANGAN 22:1

Dung i ditoruskon halak Israel ma mardalan lalu marbandar ma halahi di padang na di Moab, di Habincaran ni Batang aek Jordan di bariba ni Jeriko.

BILANGAN 26:63

Songon i ma daftar na nibaen ni si Musa dohot si Eleasar taringot tu marga-marga ni Israel dompak dibaen halahi pamilangion di tano na hornop ni Moab di bariba ni Batang aek Jordan mardonokkon Jeriko.

BILANGAN 31:12

dioban halahi ma i tu si Musa dohot tu si Eleasar dohot tu sude halak Israel. Di hatiha i dompak marbandar do halahi di tano na hornop ni Moab donok tu Batang aek Jordan paadop-adop dohot kota Jeriko.

BILANGAN 33:48

Sian Dolok Abarim, marbandar ma halahi di tano na hornop di Moab mardonokkon Batang aek Jordan paadop-adop tu kota Jeriko.

BILANGAN 35:1

Di tano na hornop na di Moab, donok tu Batang aek Jordan paadop-adop dohot kota Jeriko, didok Tuhan ma tu si Musa,

PANGARATAION 34:1

Dung i kehe ma si Musa sian napa ni Moab jana manangkok ma ia tu Dolok Nebo, tu puncut ni Dolok Pisga na di Habincaran ni Jeriko. Disi ma dipatuduhon Debata luat i sude tusia, i ma: Tano Gilead di Utara lopus tu kota Dan;

PANGARATAION 34:6

Dikuburkon Tuhan ma ia di sada rura di Moab, di bariba ni kota Bet-Peor, tapi lopus tu sadari on nada adong sada halak pe na mamboto tanomanna i.

PANGARATAION 34:8

Tolu pulu ari honokna bangso Israel marsiluluton di napa ni Moab hara ni hamamate ni si Musa.