BILANGAN 24:9 - BIBEL JAMITA NA DENGGAN

⁹ Anggo bangso Israel i na gogo do tarsongon singa, ise muse ma he na puluk mangganggusa andigan disia hatiha maradian? Sanga ise mamasumasu halak Israel, ia pe dipasupasu barang ise na mamurai Israel, ia pe hona bura.”

BILANGAN 24:9 ပူးပေါင်းရင်းမြစ်များ

PAMUNGKAAN 12:3

PasupasuonKu ma sanga ise na mamasumasu ho. Tapi buraanKu ma sanga ise na mamurai ho. Jana hara ni ho, pasupasuonKu ma sude angka bangso na di tano on.”

PAMUNGKAAN 27:29

Sai gabe naposomu ma da angka bangso na marragam, jana talu ma maradopkon ho angka marga ni bangso na asing. Sai rajaanmu ma sude angka kahanggimu jana marsomba di jolomu ma pomparan ni inangmu. Sai hona bura ma sanga ise na mamurai ho jana tarpasupasu ma sanga ise na mamasumasu ho.”

PAMUNGKAAN 49:9

Songon singa do si Juda. Matehononna do soroanna, jana mulak tu asarna, marngeat ma ia lalu modom-modom. Nada adong umpe sahalak na puluk paorotkon ia.

2 JUJUR TAON 9:18

Adong onom anak ni tangga ni karosi i. Dilampis do sidege-degeanna i dohot sere jana gabe sada do i dohot karosi i. Martangan-tangan do karosi i jana angkup bariba adong patung ni singa.

ESTER 6:13

Dicaritohon ia ma tu dadaborunia dohot angka dongannia na nitaonnia i. Dung i didok dadaborunia dohot angka dongannia na malo-malo i ma, “Ma mamungka gumale gogomu sian si Mordehai. Halak Jahudi do bayo i jana indangkan na taralo ho i. Pasti taluhononnia ho.”

JOB 41:10

Mangganas do i muda nisunggul sian podomanna; sahalak pe nada adong puluk mangadopisa.

MASMUR 122:6

Tangiangkon hamu ma hasonangan ni Jerusalem: “Anso sai sonang sude halak na manghaholongi ho.

MASMUR 2:12

Ulang jabat Tuhan gabe muruk, jana manigor hona pusa hamu, harana manigor mura do ro murukNa. Martua ma halak na marlinggom di Tuhan i!

HARURUAR 23:22

Tapi muda burju do hamu mangoloi tusia dohot patuluskon sandok na Huparentahon, sosohononKu ma musumu jana Au ma marporang mangalo sude musumunu.

JESAYA 31:4

Didok Tuhan do tu au, “Songon singa na mampartahankon soroanna jana na so tarpabiar-biar surak-surak dohot pangarar ni parmahan, laing songon i ma Au mampartahankon Dolok Sion, jana nada adong na tarbaen mangambati Au.

MIKA 5:8

Taluhonon ni Israel ma angka musuna jana roncohononna i sudena.

BILANGAN 22:12

Didok Debata ma tu si Bileam, “Ulang kehe ho dohot halahi, dung i ulang burai halak Israel, angke madung Hupasupasu halahi.”

BILANGAN 22:6

Umbahat do halahi sian hami. Hara ni i, ro ma ho! Burai ma halahi, anso taralo hami halahi laho mangusir halahi sian luatnami on. Pos do rohangku, dapotan pasupasu do na nipasupasumu, jana hona bura do na niburaanmu.”

BILANGAN 23:24

Suman do halak Israel tu singa na gogo; manyosop mudar ni musuna na disoro, salolot so songon i nada ra ia marongok.”

BILANGAN 24:10

Mardongan muruk dipahibul si Balak ma tenjunia lalu ning ia tu si Bileam, “Hupio pe ho laho mamurai musungku do, hape gabe dipasupasu ho do halahi pola tolu noli.

MATEUS 25:40

Alusan ni Raja i ma, ‘Ingot hamu ma on: Hatiha dibaen hamu songon i tu sada halak sian angka kahanggingKu na umdangol i, etongon na tu Au do i dibaen hamu!’

MATEUS 25:45

Alusan ni Raja i ma, ‘Tangkas ma jolo tangihon hamu: Di na so ra hamu mangurupi sahalak sian na umdangol on, etongon na so ra do hamu mangurupi Au.’

BAENON NI ANGKA RASUL 9:5

“Ise dehe Ho Tuan?” ning si Saulus manyapai. Mangalusi ma sora i, “Au ma da Jesus, na niparkancitanmi.

PANGARATAION 30:7

Ampehonon ni Tuhan Debata ma tu angka musumunu na sai magigi mida hamu dohot na manyosak hamu angka bura i.