BILANGAN 24:3 - BIBEL JAMITA NA DENGGAN

³ Dung i digohi hagogoan ni Tondi Ni Debata ma si Bileam, gabe didok ia ma panyurirangion songon on, “On ma tona ni si Bileam anak ni si Beor, sada halak na marnida giot mangkobari.

BILANGAN 24:3 ပူးပေါင်းရင်းမြစ်များ

1 RAJA-RAJA 22:17

Dialusi si Mika ma, “Huida do tentara ni halak Israel marserak di dolok-dolok. Songon biri-biri na so marparmahan do halahi. Jadi hara ni i gabe didok Tuhan do salaho tu halahi, ‘Nada adong pamimpin ni angka jolma on; padiar ma mulak halahi di bagasan hatorkisan.’ ”

1 RAJA-RAJA 22:19

Didok si Mika ma mangulahi, “Saonnari tangihon ma sanga aha na nidok ni Tuhan! Huida do Tuhan jongjong di juguhan hasangapanNa di banua ginjang, jana sude surusuruanNa jongjong di lambungNia.

JOB 29:1

Dipaudut si Job ma pajojorkon hatorangannia.

BILANGAN 22:31

Dung i dipatidahon Tuhan ma tu si Bileam Surusuruan na manyintak podang jongjong disi. Gabe tungkap ma si Bileam tu tano manyomba.

BILANGAN 23:18

dung i didok si Bileam ma panurirangonna, “O Balak, anak ni si Zipor, ro ma. Adong na giot dohononku, tangihon ma!

BILANGAN 23:7

Dung i didok si Bileam ma panurirangonna i songon on, “Sian Aram, sian dolok-dolok di Habincaran an, si Balak, raja ni Moab marpio au mandok, ‘Ro ma ho burai ma si Jakob, jana ro ma ho burai ma Israel!’

BILANGAN 24:15

Dung i didok si Bileam ma panyurirangionnia, “On ma tona ni si Bileam, anak ni si Beor; sahalak na marparnidaan giot mangkobari.

BILANGAN 24:16

Ise na dilehen hamaloon manangihonsa angka hata na ro sian Debata? Ise tarbaen manjagit parbinotoan sian na guminjang, sian Tuhan? Huida di bagasan parnidaan, dohot mata na ungkap sada parnidaan sian Debata Na Sun Markuaso.

BILANGAN 24:4

Dilehen disia hamaloon manangihonsa, angka hata na marharoroan sian Debata. Di bagasan parnidaan huida dohot mata tarbuka sada hataridaan sian Debata na gok kuaso sasadaSa.