BILANGAN 22:8 - BIBEL JAMITA NA DENGGAN

⁸ didok si Bileam ma tu halahi, “Marborngin ma hamu dison. Ancogot hupaboa pe tu hamu, sanga aha didok Tuhan tu au.” Jadi marborngin ma pamimpin ni halak Moab i di inganan ni si Bileam.

BILANGAN 22:8 ပူးပေါင်းရင်းမြစ်များ

1 RAJA-RAJA 13:8

Dialusi panurirang i ma, “Haru dilehen raja i pe di au satonga sian sinadongan ni raja i, nada ra au dohot mangan sanga minum rap dohot raja i.

1 RAJA-RAJA 22:14

Tapi dialusi si Mika ma, “Mangasahon Tuhan na mangolu i, hujanjihon ma, sanga aha na nidok ni Tuhan tu au, laing i do na giot palaluonku.”

JEREMIA 12:2

Songon suan-suanan, disuan Ho halahi; marurat ma i, martumbur jana marbatu. Matua sai mandok hata na denggan-denggan halahi taringot tu Ho, hape anggo di bagasan roha ni halahi satutuna nada holong roha ni halahi mida Ho.

JEHESKIEL 33:31

Ro do halahi marbahat-bahat songon bangsongKu, tangihonon ni halahi do angka hata na nidokmu, tapi anggo na niparentahonmu nada diterge halahi. Hata holong ni roha do dipajojor bibir ni halahi, tapi anggo rohana di bagasan hum mamikiri untung sajo do.

BILANGAN 12:6

didok Tuhan i ma, “Tangihon hamu ma sanga aha na giot dohononKu! Muda adong angka panurirang di tonga-tongamunu, giot Hupatidahon diringKu tu halahi di bagasan parnidaan, jana mangkatai Au dohot halahi markite-hite nipi.

BILANGAN 22:18

Tapi dialusi si Bileam ma, “Haru sude perak dohot sere na adong di bagas godang ni si Balak dilehen di au, nada ra au mangalo parenta ni Tuhan Debata na husomba i. Marhite pangalaho na menek pe nada puluk au mangalo.

BILANGAN 22:38

Dialusi si Bileam ma, “Nada he madung ro au, atehe? Tapi nada adong kuaso di au mandok barang aha asing sian na nisuru ni Tuhan dohononku.”

BILANGAN 22:7

Jadi kehe ma pamimpin ni halak Moab dohot halak Midian i, maroban upa di si Bileam, anso diburai ia halak Israel. Kehe ma halahi manopot si Bileam pabolkaskon tona ni Raja Balak

BILANGAN 22:9

Dung i ro ma Debata manyapai si Bileam, ninna ma, “Ise do halak na ro tu ingananmi, Bileam?”

BILANGAN 23:12

Dialusi si Bileam ma, “Sanga aha na nisuru ni Tuhan dokkononku, hum i do na tardokkon au.”

BILANGAN 23:3

Dung i didok si Bileam ma tu si Balak, “Jongjong ma ho dison, donok tu haul situtungonmi. Hatiha songon i kehe ma au mangaligi, betak na ra do Tuhan i marsuo dohot au sanga nada. Hupaboa pe di ho sude sanga aha didok Tuhan i tu au.” Dung i kehe ma si Bileam sada ia tu puncut ni sada tor

BILANGAN 24:13

haru pe dilehen ho di au sude perak dohot sere na adong di bagas godangmi, nada langgaronku parenta ni Tuhan jana mambaen roha-rohangku sajo. Hum na nisuru ni Tuhan do dohononku, hum i do na ra au mandokkon.”