BILANGAN 22:5 - BIBEL JAMITA NA DENGGAN

⁵ ma suruanna laho mamio si Bileam anak ni si Beor na maringanan di kota Petor donokkon ni Batang aek Efrat di Luat Amau. Dipalalu angka suruan i ma tu si Bileam tona sian si Balak songon on, “Anso diboto ho, adong sada bangso na ro sian Mesir, sarsar do halahi sun tu dia, gabe parmaraan do on di luatnami.

BILANGAN 22:5 ပူးပေါင်းရင်းမြစ်များ

PAMUNGKAAN 13:16

LehenonKu ma di ho bahat pomparanmu, jabat nada adong sahalak pe na tarbaen mangetongsa. Songon abu na di tano i, na so adong halak na sanggup mangetongsa, laing songon i ma pomparanmu nada taretong sanga ise.

MASMUR 105:24

Dilehen Tuhan hagabean di bangsoNa, gabe gumogo halahi sian alona.

HARURUAR 10:15

Ditutupi angka siapor i do sude tano, lopus lomlom idaon. Dipangan halahi do sanga aha sajo na tinggal dope dung salpu ambolas i dohot angka batu ni hayu. Nada adong be na rata na tading di hayu sanga di suan-suanan di sandok tano Mesir.

MIKA 6:5

“Ale bangsongKu, ingot hamu ma sanga aha na nisangkapan ni si Balak raja ni Moab i tu hamu, jana aha do alus ni si Bileam anak ni si Beor i tusia. Ingot hamu ma sanga aha na tarjadi di pardalanan antara ni parbandaran na di Sitim dohot na di Gilgal. Anggo diingot hamu do sudena i, torang do botoonmunu sanga aha na dung Hupatupa laho paluahon hamu.”

BILANGAN 23:7

Dung i didok si Bileam ma panurirangonna i songon on, “Sian Aram, sian dolok-dolok di Habincaran an, si Balak, raja ni Moab marpio au mandok, ‘Ro ma ho burai ma si Jakob, jana ro ma ho burai ma Israel!’

BILANGAN 31:8

dohot ma disi lima raja ni Midian, i ma: Si Ewi, si Rekem, si Zur, si Hur dohot si Reba. Si Bileam anak ni si Beor i pe dibunu do.

PANGARATAION 23:4

Dalanna, i ma hara ni na so ra halahi mangalehen sipanganon dohot siinumon di hamu dompak na mardalan hamu haruar sian Mesir. Diongkosi halahi dope gari ada si Bileam, anak ni si Beor na sian kota Petor na di Mesopotamia laho mamurai hamu.

PANGARATAION 23:5

Hape nada ra Tuhan Debatamunu manangihon si Bileam. Mur dipabalik Tuhan noma bura i gabe pasupasu, hara ni holong ni rohaNia di hamu.

JOSUA 13:22

Sian tonga-tonga ni angka jolma na dibunu ni bangso Israel i, dohot ma disi si Bileam anak ni si Beor partondung i.

JOSUA 24:9

Dung i ro ma raja ni Moab, i ma si Balak anak ni si Zippor mangalo hamu. Diutus ia ma halak manopot si Bileam anak ni si Beor laho mangido anso diburai si Bileam hamu.

JUDAS 1:11

Marjaya ma halahi! Dalan ni si Kain do na nibolus ni halahi. Anso dapotan upa, gabe didohoti halahi do angka hasalaan songon na nibaen ni si Bileam. Jana mago do halahi hara ni na manggaori songon na nibaen ni si Kora.

HALUMBAAN 2:14

Tapi haru songon i pe, laing adong do piga-piga pangalaho na so dihagioti ni rohangKu di hamu: Adong deba sian hamu na mangihutkon pangajaran ni si Bileam. Diajari si Bileam do si Balak paoto-otohon halak Israel anso mambaen dosa, i ma na mangankon pelean na nihaulkon tu gana-ganaan dohot mambaen pangalaho na markarosuan.