BILANGAN 22:3 - BIBEL JAMITA NA DENGGAN

³ Mabiar ma ia dohot sude rayat ni Moab maradopkon halak Israel, dibaen bahat do halahi.

BILANGAN 22:3 ပူးပေါင်းရင်းမြစ်များ

NEHEMIA 13:2

harana taran na mardalan bangso Israel ruar sian Mesir, nada dilehen bangso na dua i sipanganon dohot aek tu bangso i. Diupai halahi dope si Bileam laho mamurai bangso Israel, tapi dipauba Debata burana i gabe pasupasu.’

MASMUR 53:5

Ligi da, gaor hara ni biar ma angka musu ni bangso ni Debata, nada jungada dope dihilala halahi songon i hagaoran, harana giot sarsarkonon ni Debata ma angka holi-holi ni halahi ditulak Debata do halahi, gabe ditaluhon ma halahi.

HARURUAR 1:12

Tapi mur diparkanciti halak Mesir i halak Israel, mur mabahat do halahi, jana mur digohi halahi luat i, pola tehe mur mabiar halak Mesir i mida halahi.

HARURUAR 15:15

Angka pamimpin ni Edom gabe manyogar halak Moab na gogo i gabe manyikur, angka halak Kanaan pe marroha heput.

HARURUAR 23:27

Gok biar maradopkon Au baenonKu angka bangso na mangalo hamu. PagolaponKu roha ni angka halak na mamorangi hamu; mulak be do angka musumunu marsipalua dirina sian hamu.

JESAYA 23:5

Salangkan halak Mesir pe gabe humitir-hitir ma jana gaor muda dung tarbege na dung dironcohon kota Tirus.

PANGARATAION 2:25

Mamungka sadari on baenonKu ma angka bangso sanga na di dia pe mabiar tu hamu. Sandok jolma gabe humitir ma mabiar muda dibegesa didok goarmunu.’ ”

JOSUA 2:24

Dung i didok halahi ma, “Ma pasti na dung dilehen Tuhan sude luat i tu hita; mabiar do sude halak na disi tu hita.”

JOSUA 9:24

Dialusi halahi ma, “Hami baen pe songon i tuannami, hara ni na dung hami bege do bahaso na dung disuru ni Tuhan Debatamunu do si Musa, naposoNia i, mangalehen tu hamu sude luat on dohot mamunu sude jolma na tinggal di angka inganan na nidapotkonmunu. Jadi gabe mabiar situtu hami tu hamu; mabiar hami hona bunu, i ma dalanna umbaen na hami baen sudena on.