BILANGAN 21:2 - BIBEL JAMITA NA DENGGAN

² Dung i marniet ma halak Israel, ninna halahi ma tu Tuhan, “Muda dilehen Ho hamonangan di hami mangalo halahi, haulkononnami ma sude kota ni halahi tu Ho, jana roncohononnami ma halahi.”

BILANGAN 21:2 ပူးပေါင်းရင်းမြစ်များ

PAMUNGKAAN 28:20

Jadi marsumpa ma si Jakob tu Debata, “Muda didongani jana diondihon Ho au di pardalanankon jana dilehen Ho panganon dohot pakean

MASMUR 116:18

Patulusonku ma janjingku tu Tuhan, di jolo ni bangsoNia sudena,

MASMUR 132:2

Ulang halupahon janjinia, ale Debata ni si Jakob, haulnia na tu Ho, Tuhan Na Gumogo.

1 KORINTUS 16:22

Sanga ise na so manghaholongi Tuhan Jesus, padiar ma diuhumi Debata ia. Maranatha – sigop ma Ho ro, Tuhan!

PANGARATAION 13:15

angkon bunuon do sude halak kota i rap dohot sude pahan-pahanan ni halahi. Angkon nironcohon sude kotana i.

PANGARATAION 13:16

Angkon palaguton sude sinadongan ni halak kota i, jana dipagukguk di tonga ni alamanna i, lalu disurbu ma sude kota i dohot sasude na di bagasanna songon haul tu Tuhan Debatamunu. Dung sidung i sudena angkon tinggalkonon do i songon lobu jana nada tola be ulahan mambangunsa.

PANGARATAION 20:16

Tapi muda angka kota na adong di luat na giot silehenon ni Tuhan i do tu hamu na giot taluhononmunu, jadi angkon bunuonmunu do sude halak na mangingani kota i.

PANGARATAION 7:2

Muda dipasahat Tuhan Debatamu angka bangso i tu bagasan kuasomu jana talu halahi dibaen ho, angkon bunuonmunu do sude halahi. Ulang baen parjanjian dohot halahi, sanga pe maribo ni roha.

JOSUA 6:17

Sude kota i dohot sandok isina angkon dironcohon sude gabe songon haul tu Tuhan. Hum si Rahab, siboru jalang i dohot koum sisolkotna sajo do na tola padiaron mangolu, dibaen madung diondihon ia mata-mata na tasuru i.

JOSUA 6:26

Diparuar si Josua do di hatiha i larangan songon on, “Sanga ise na mancubo giot mambangun kota Jeriko on mangulahi, hona bura ni Tuhan do i. Sanga ise na mamayakkon ojahanna gabe agoan anak siangkaan; jana sanga ise na mamasang angka pintu ni horbanganna i gabe agoan anak sianggianna.”

HAKIM-HAKIM 11:30

Dibaen si Jefta ma janjinia tu Tuhan songon on, “Muda lomo roha ni Tuhan au manaluhon halak Amon,

1 SAMUEL 1:11

Dung i didok si Hanna ma janji, “O Tuhan Na Markuaso, parrohahon ma naposoMon! Ligi ma pardangolankon. Ingot ma jana ulang halupahon au! Muda dilehen Ho di au sada anak halaklahi, marjanji ma au mangalehensa tu Ho salolot ia mangolu, jana obukna pe nada unjung tola gotapon.”