BILANGAN 20:2 - BIBEL JAMITA NA DENGGAN

² Di inganan parbandaran ni halahi i, nada adong aek, dung i dirongomi halak na bahat i ma si Musa dohot si Harun

BILANGAN 20:2 ပူးပေါင်းရင်းမြစ်များ

MASMUR 106:32

Di sumur Meriba muruk Ho dibaen halahi, gabe susa si Musa patunda ni parbuatan ni halahi i.

HARURUAR 16:12

“Madung Hubege ungut-ungut ni halak Israel. Dok ma di halahi, muda andospotang dapotan juhut ma halahi baen panganon, jana manyogotna i dapotan roti ma halahi sanga sadia giotna. Gabe botoon ni halahi ma, bahaso Au do Tuhan, Debata ni halahi.”

HARURUAR 16:2

Mungut-ungut ma halahi sudena tu si Musa dohot tu si Harun.

HARURUAR 16:7

Manyogot idaonmunu ma sumirlak sinondang sian hamuliaan ni Tuhan. Madung dibege Tuhan angka ungut-ungutmunu tuSia, olo tutu, maradopkon Tuhan. Angke anggo hami, hum patulus na niparentahonNia do.”

BILANGAN 14:2

Marungut-ungut ma halahi tu si Musa dohot tu si Harun. Ninna halahi ma, “Dumenggan ma mate hian hita di Mesir sanga pe di parhorsihan on.

BILANGAN 14:9

Ulang alo hamu Tuhan i, jana ulang mabiar hamu mida halak na maringanan disi. Momo do aloonta halahi, nada he Tuhan i do donganta, jana taluhononNia do angka debata na manjago halahi. Hara ni i ulang ma mabiar.”

BILANGAN 16:19

Dung i dipalagut si Korah ma sude na bahat i, dung i jongjong ma halahi paadop-adop dohot si Musa dohot si Harun di pintu ni Bandar Parmianan Ni Tuhan. Tompu ma tarida di sude na bahat i sinondang haroro ni Tuhan Debata manyirlak-nyirlak mambaen silo.

BILANGAN 16:3

Rap kehe ma halahi mandapotkon si Musa dohot si Harun lalu didok halahi, “Musa, tangihon jolo: Ganop jolma di bangso Israel na dung hapunjungan ni Tuhan do i. Jana di tonga-tonga ni hita sude do Tuhan i. Hape biasi dietong ho gumincat ho sian sude halak ni Tuhan i? Sude na binaenmu madung manyalpui aturan.”

BILANGAN 16:42

Dung rap dialo halahi si Musa dohot si Harun, manaili ma halahi tu Bandar Parmianan Ni Tuhan. Diida halahi ma ombun manutup Bandar Parmianan jana tarida ma sinondang haroro ni Tuhan manyirlak-nyirlak pola gabe silo.

BILANGAN 21:5

gabe marungut-ungut ma halahi tu Debata dohot tu si Musa. Ninna halahi ma, “Biasi obanonmu hami haruar sian Mesir, anso bunuonmu hami di parhorsihan on, so adong panganon dison, aek pe nada adong. Gialan hami hara ni panganon na so mardai on!”