BILANGAN 2:2 - BIBEL JAMITA NA DENGGAN

² “Di hatiha pajongjongkon parbandaran halak Israel, ganop halak angkon marbandar di toru ni manderana be dohot tanda ni margana sandiri. Sude parbandaran i dipajongjong humaliang Bandar ParmiananKu.”

BILANGAN 2:2 ပူးပေါင်းရင်းမြစ်များ

MASMUR 74:4

Marsurak ma angka musuMu marolop-olop di ingananMi, jana pajongjong mandera na gabe songon tanda.

MASMUR 76:11

Gohi ma janjimu tu Tuhan Debatamu. Denggan ma i sude bangso na maringanan di na donok maroban silua di Debata sihabiaran i.

JESAYA 12:6

Suruhon ma sude halak na maringanan di Sion, marsurak jana marende marjop ni roha. Na marmulia situtu do Debata Na Badia ni Israel, maringanan di tonga-tonga ni bangsoNia do Ia.”

JESAYA 18:3

Hamu sude angka na maringanan di tano on! Parrohahon hamu ma muda dung dipanaek mandera di puncut ni angka dolok! Tangihon hamu ma muda dipalu sarune!

JEHESKIEL 43:7

“Ale anak ni jolma, on ma habangsangKu. Dison ma Au giot maringanan di tonga-tonga ni halak Israel jana mamarenta tu halahi salolot-lolotna. Nada be pahodaron ni halahi bope angka raja ni halahi goarKu na Badia i marhite na manyomba gana-ganaan sanga marhite na manguburkon angka raja ni halahi di inganan on.

ZAKARIA 9:16

Muda dung dapot ari i, paluaon ni Tuhan ma bangsoNa, songon parmahan na paluahon biri-biriNa sian mara. Marsinondang be ma halahi di tano ni Tuhan, songon parnyala-nyala ni tuku na marbatu intan.

BILANGAN 1:50

Dokkon ma anso halahi markarejo di Bandar ParmiananKu dohot pasingkop parkokasna. Karejo ni halahi, i ma: Mamorsan Bandar ParmiananKi dohot parkokasna lalu markarejo gabe malim jana marbandar humaliangna.

BILANGAN 10:14

Ganop mardalan halahi tongtong mangihutkon barisan na somal. Angka na mardalan di toru ni mandera parsadaan na niuluhon ni Marga Juda do mardalan parjolo, dung i angka parangan marudut-udut na niuluhon ni si Nahason anak ni si Aminadab.

BILANGAN 10:18

Di pudi ni halahi mardalan ma angka na di toru ni mandera parsadaan na niuluhon ni Marga Ruben, marudut ma angka parangan i na niuluhon ni si Elisur anak ni si Sedeur.

BILANGAN 10:22

Dung i mangihut muse ma halak na di toru ni mandera hasadaan na niuluhon ni Marga Efraim marudur angka tentara i na niuluhon ni si Elisama anak ni si Amihud.

BILANGAN 10:25

Parpudi mardalan ma angka na di toru ni mandera parsadaan ni Marga Dan. Halahi ma pangawal na parpudi sian sude barisan i. Mardalan ma angka tentara ni halahi, na niuluhon ni si Ahieser anak ni si Amisiadai.

BILANGAN 2:1

Dilehen Tuhan dope angka paraturan tu si Musa dohot si Harun songon on:

BILANGAN 2:10

Sabola Selatan, i ma angka na di toru ni mandera parsadaan ni Ruben, angkon marbandar mangihutkon tentara dohot pamimpinna be songon na nisusun di toru on: MARGA PAMIMPIN BAHATNA Ruben Elisur anak ni si Sedeur 46.500 Simeon Selumiel anak ni si Zurisiadai 59.300 Gad Eliasap anak ni si Rehuel 45.650 Sudena: 151.450 Rombongan ni si Ruben mardalan paduahon.

BILANGAN 2:3

Sabola sian Habincaran, i ma angka na di toru ni mandera parsadaan ni Juda, angkon marbandar mangihutkon tentara dohot pamimpinna be songon na nisusun di toru on: MARGA PAMIMPIN BAHATNA Juda Nahason anak ni si Aminadab 74.600 Isakar Natanael anak ni si Zuar 54.400 Zebulon Eliab anak ni si Helon 57.400 Sudena: 186.400 Rombongan ni Juda angkon mardalan di jolo.

BILANGAN 24:2

diida ia ma halak Israel marbandar marturpuk-turpuk mangihutkon marga ni bangso i.

1 KORINTUS 14:33

Na mangkagioti na taratur do anggo Debata; nada na mangkagioti hagaoron. Angke nada dihagioti Debata anggo hagaoron, tapi hasonangan i do.

1 KORINTUS 14:40

Tapi angkon marsopan jana maraturan do i nibaen sudena.

PILIPPI 1:27

Antong parangehon hamu ma parange na tama tu Jamita Na Denggan na sian Kristus, anso muda ro au mangaligi hamu, sanga sian na dao hubege taringot tu hamu, bahaso na togu do hamu jongjong di bagasan sada tondi jana saroha laho marporang humopkop haporsayaan di Jamita Na Denggan i.

KOLOSSE 2:19

jana nada ditiop ia Ulu i, pangkal ni pamatang i, na niihotan markite-hite angka urat dohot doldol gabe sada, na tubu markite-hite hangoluan na nilehen ni Debata.

JOSUA 3:4

Halahi ma patuduhon dalan di hamu, dibaen nada unjung dope hamu tuson. Tapi ulang madonoktu hamu mardalan tu Poti Parjanjian i; ihutkon hamu ma sian pudi.”