BILANGAN 2:17 - BIBEL JAMITA NA DENGGAN

¹⁷ Dung mardalan rombongan na dua i, mardalan ma Marga Levi maroban Bandar Parmianan Ni Tuhan. Ganop rombongan mardalan mangihutkon susunan songon hatiha marbandar, ganop di ingananna be di toru ni mandera parsadaanna.

BILANGAN 2:17 ပူးပေါင်းရင်းမြစ်များ

BILANGAN 10:17

Dung dibuka Bandar Parmianan, mamungka ma mardalan horong ni Marga Gerson dohot Merari na mamorsan Bandar Parmianan.

BILANGAN 10:21

Dung i mardalan ma Marga Levi sian horong ni Marga Kehat, lalu maroban barang-barang na badia. Di hatiha bolkas halahi tu parbandaran na giot topoton, madung sidung dipajongjong mangulahi Bandar Parmianan Ni Tuhan.

BILANGAN 2:1

Dilehen Tuhan dope angka paraturan tu si Musa dohot si Harun songon on:

BILANGAN 2:18

Sabola Hasundutan, halahi angka na di toru ni mandera ni Efraim, marbandar mangihutkon tentara dohot pamimpinna, songon on ma susunanna: MARGA PAMIMPIN BAHATNA Efraim Elisama anak ni si Amihud 40.500 Manase Gamaliel anak ni si Pedasur 32.200 Benyamin Abidan anak ni si Gideoni 35.400 Sudena: 108.100 Rombongan ni Efraim angkon mardalan di pudi ni Marga Levi.

BILANGAN 3:38

Si Musa dohot si Harun, bope angka anak ni si Harun, marbandar di jolo ni Bandar Parmianan Ni Tuhan, sabola sian Habincaranna. Karejo ni halahi do marhobas padalan upacara ibadat di halak Israel, di bagasan Inganan Na Badia i. Sanga ise halak na asing na manguji mangkarejohon songon i angkon mate uhuman.

1 KORINTUS 14:40

Tapi angkon marsopan jana maraturan do i nibaen sudena.

KOLOSSE 2:5

Angke haru pe dao au sian hamu, anggo tondingku rap do dohot hamu. Jana jop do rohangku mida hamu, di na togu hamu mangkaporsayai Kristus jana marsada roha.