BILANGAN 19:9 - BIBEL JAMITA NA DENGGAN

⁹ Dung i angkon sahalak na dung nietong ias mangihutkon ugamo do papunguhon abu ni lombu i jana dibaen tu inganan na dung ias mangihutkon ugamo, na adong di balian ni parbandaran i. Disi ma abu i simpanon anso adong pakeon ni halak Israel di na pasingkopkon aek di hatiha haiason. Upacara on dibaen gabe hasesaan ni dosa.

BILANGAN 19:9 ပူးပေါင်းရင်းမြစ်များ

HAMALIMON 15:20

Aha sajo na nijuguhi sanga na nipodomi dadaboru i salolot ro bulanna i, gabe ramun.

ZAKARIA 13:1

“Di ari i marbuldak ma sada mual ni aek laho paiaskon pomparan ni si Daud dohot halak na maringanan di Jerusalem sian dosa dohot parsombaan tu gana-ganaan na dung didalankon halahi.

BILANGAN 19:13

Sanga ise na manjama bangke jana nada dipaias ia pamatangnia, i ma halak na ramun, angke aek na dung ditontuhon i nada disiramkon dope tusia. Na paramunkon Bandar Parmianan Ni Tuhan do ia, hara ni i nada etongon be ia halak ni Debata.

BILANGAN 19:17

Laho paias dirina sian na ramun i, angkon buatonnia saotik abu ni lombu na rara na dung ditutung gabe hasesaan ni dosa, dipamasuk ma abu i tu sada hudon, dung i ditamba dohot aek.

BILANGAN 19:18

Di bagasan pangalaho na parjolo, i ma halak na mate di bagasan bandar, angkon sada halak na dung ias mangihutkon ugamo do mambuat sarranting duhut hisop, dipamasuk tu aek lalu mamispis bandar i, sandok na adong di bagasan, rap dohot halak na adong disi. Di bagasan pangalaho na paduahon, i ma sahalak na manjama bangke, kuburan sanga pe holi-holi ni na mate angkon sahalak na ias mangihutkon ugamo do mamispisi halak na ramun i.

BILANGAN 19:3

Lehen ma i tu si Eleasar. Obanon ma lombu i tu balian ni parbandaran i jana disambol ma i di jolo ni si Eleasar.

BILANGAN 19:8

Halak na manutung lombu i pe angkon dibasu ia pakeannia jana disiram ia pamatangnia dohot aek, ia pe ramun do lopus tu na lusut mataniari.

BILANGAN 6:12

jana paimbaruhon pangalehenan ni dirina songon halak nasir salolot ni hatiha na ditontuhon. Hatiha na dung salpu nada etongon be i angke obuk na mardohonan i madung gabe hodar. Songon haul gonti ni hararugi angkon pasahatonnia sada anak ni biri-biri na marumur sataon.

BILANGAN 8:7

songon on ma pambaenna: pispis ma halahi dohot aek na dung mardohonan di upacara i, dung i suru halahi mancukur sude pamatang ni halahi dohot mamasu pakean ni halahi. Dung i gabe ias ma halahi mangihutkon ugamo.

BILANGAN 9:13

Tapi halak na ias mangihutkon ugamo nada muse di pardalanan ia, hape nada dipestahon ia Paskah i, nada etongon be halak i bangsongKu, angke nada dihaulkon ia haul tu Au di ari na dung ditontuhon. Taononnia ma panginona ni dosania i.

2 KORINTUS 5:21

Nada mardosa Kristus i, hape gabe dosa do Ia dibaen Debata jana dipaporsankon do tuSia dosanta i, anso tajagit hatigoran ni Debata hara ni hasadaonta dohot Kristus i.

2 KORINTUS 7:1

Antong hamu ale dongan na nihaholongan! Tu hita do dibaen angka janji i sudena. Tapaias ma dirinta sian sasude na pahodarkon pamatang dohot rohanta. Tahabiari ma Debata, anso sanggam tarbaen hita mangolu mamunjung tu Debata.

IBRANI 7:26

Jadi Jesus i do Malim Godang na porlu di hita. Na badia do Ia; nada adong dapot disi hasalaan sanga dosa aha pe. Madung disirang Ia sian angka jolma pardosa jana dipanaek lopus tu inganan na gumincat sian langit.

IBRANI 9:13

Anggo mudar ni hambeng jantan dohot mudar ni lombu jantan bope tiranggong ni haul anak ni lombu i, dipispiskon tu angka halak na hodar do i – mangihutkon Tona ni ugamo; anso ias halahi. Antong, muda tarpaias mudar i do halahi sian hahodaran na nidok ni ugamo,