BILANGAN 19:3 - BIBEL JAMITA NA DENGGAN

³ Lehen ma i tu si Eleasar. Obanon ma lombu i tu balian ni parbandaran i jana disambol ma i di jolo ni si Eleasar.

BILANGAN 19:3 ပူးပေါင်းရင်းမြစ်များ

HAMALIMON 16:27

Lombu jantan dohot hambeng na gabe haul hasesaan ni dosa i, na dung dioban mudarna tu Bilik Na Sun Badia gabe hasesaan ni dosa, angkon obanon tu balian ni parbandaran lalu ditutung. Bobakna, juhutna dohot pangisi ni butuha ni pahan-pahanan na dua i angkon sude tutungon.

HAMALIMON 24:14

“Oban ma bayo i tu balian ni parbandaran. Ganop halak na dung umbege ibana mamurai, dipayakkon ia ma tanganna tu ulu ni bayo i manyaksihon na dung marsala bayo i. Dung i dangguran ni halak na bahat i ma ia dohot batu lopus mate.

HAMALIMON 4:11

Tapi sude bobakna dohot juhutna, uluna, patna, isi ni butuhana, masuk ma disi butuhana,

HAMALIMON 4:12

sudena i angkon nioban tu balian ni parbandaran i dung i nitutung ma i di ginjang soban di inganan pangambungan ni abuan, i ma inganan na dung ias mangihutkon ugamo.

HAMALIMON 4:21

Dung i dioban ma lombu jantan i tu ruar anso ditutung di balian ni Bandar Parmianan. Pambaenna dos dohot na pasahat lombu jantan na gabe haul hasesaan ni dosa ni Malim Godang i sandiri. Songon i ma pambaenna laho pasahat haul hasesaan ni dosa ni bangso i.

BILANGAN 15:36

Sude halak na bahat i angkon mandangguri ia dohot batu lopus mate di balian ni parbandaran i. Dioban si Musa dohot halak na bahat i ma bayo i tu balian ni parbandaran i jana didangguri halahi disi dohot batu lopus mate, songon na dung diparentahon Tuhan i.

BILANGAN 19:9

Dung i angkon sahalak na dung nietong ias mangihutkon ugamo do papunguhon abu ni lombu i jana dibaen tu inganan na dung ias mangihutkon ugamo, na adong di balian ni parbandaran i. Disi ma abu i simpanon anso adong pakeon ni halak Israel di na pasingkopkon aek di hatiha haiason. Upacara on dibaen gabe hasesaan ni dosa.

BILANGAN 3:4

Tapi anggo si Nadab dohot si Abihu, mate di Parhorsihan Sinai do di hatiha pasahatkon api na so nihagiotan ni Tuhan. Nada adong anak di halahi na dua, jadi salolot mangolu si Harun, si Eleasar dohot si Itamar ma markarejo gabe malim.

BILANGAN 5:2

“Parentahon ma tu halak Israel: Anso sude halak na marnyae kusta, sude halak na maraek-aek ruar sian pamatangnia dohot sude halak na ramun hara ni bangke angkon nisuru kehe maninggalkon parbandaran i.