BILANGAN 18:7 - BIBEL JAMITA NA DENGGAN

⁷ Tapi hum ho dohot anakmu sajo do na tola mandalankon karejo ni malim na mardomu dohot langgatan bope dohot barang aha pe na adong di Bilik Na Sun Badia i. I ma karejomu, dibaen madung Hubaen hamu gabe malim. Ganop halak na so dapotan hak na songon i angkon mate uhumon muda donok tu angka barang na badia i.”

BILANGAN 18:7 ပူးပေါင်းရင်းမြစ်များ

MASMUR 115:10

Hamu ale horong ni si Harun, Tuhan ma haporsayai hamu, Ia do na mangurupi dohot na mangondingi hamu.

HARURUAR 28:1

“Piohon ma angkangmu si Harun dohot angka dakdanaknia i si Nadab, si Abihu, si Eleasar dohot si Itamar. Paasing ma halahi sian halak Israel, anso tarbaen halahi mangoloi Au songon malim.

HARURUAR 29:9

bobat dohot basaen jana kupiai ma halahi. Songon i ma baen carana mangangkat si Harun dohot angka dakdanaknia i. Angkon oloan ni halahi ma Au lopus tu pinompar ni halahi ro di salolot-lolotna songon malim.

JEHESKIEL 44:15

Didok Tuhan Debata i ma, “Di na nitadingkon ni bangso Israel Au, anggo angka malim Levi na sian pomparan ni si Zadok hot do mangoloi Au di BagasKu. Hara ni i, angkon halahi noma saonnari mangoloi Au dohot na ro tu adopanKu laho manghaulkon tabo-tabo dohot mudar na sian angka haul i.

JEHESKIEL 44:16

Hum halahi do na tola masuk tu BagasKu, mangoloi Au di langgatanKu dohot manguluhon upacara paribadatan di BagasKu.

JEHESKIEL 44:8

Indada be halahi na mangatur angka upacara na badia di bagasan BagasKi, tapi angka halak sileban na nitugaskon ni halahi i noma mandalankon.

HAMALIMON 16:2

Ning Ia ma, “Pabolkas ma tu angkangmu si Harun, anso hum di hatiha na dung ditontuhon do tola masuk ia tu Bilik Na Sun Badia di pudi ni hire-hire i, angke disi do giot patidahononKu diringKu di bagasan ombun di ginjang ni Poti Parjanjian i. Muda dilaosi si Harun do parenta i, hona bunu ma ia.

HAMALIMON 7:35

I ma bagian sian haul sipanganon na nilehen ni Tuhan tu si Harun dohot tu angka anakna, di hatiha na diojakkon i halahi gabe malim.

BILANGAN 1:51

Muda bungkas hamu, halak Levi i ma mambuka Bandar ParmiananKi, dung i mamasang mangulahi di inganan parbandaran na baru. Asing sian halahi, sanga ise na donok tu Bandar Parmianan angkon mate uhuman.

BILANGAN 16:40

Gabe parningotan di bangso Israel, bahaso asing sian pomparan ni si Harun, sahalak pe nada tola ro tu langgatan laho manutung hamonyan di Tuhan i. Halak na mangalanggar aturan on angkon dibunu songon si Korah dohot donganna. Jadi sudena i dipatulus do i songon na dung diparentahon Tuhan tu si Eleasar marhite si Musa.

BILANGAN 18:20

Didok Tuhan muse tu si Harun, “Nada adong lehenon di hamu bagi aha tean-teanan. Sabagian tano pe nada adong di luat na Hujanjihon i nada adong ho puna. Au do Tuhan, Au do bagian siteanonmu.”

BILANGAN 18:3

Angkon karejohonon ni halak Levi na porlu di hamu, mangkarejohon tugas ni halahi di Bandar Parmianan, tapi nada tola dais halahi tu barang Inganan Na Badia sanga di langgatan. Muda dais halahi tusi, bope ho, angkon mate.

BILANGAN 3:10

Si Harun dohot angka anaknia, angkatonKu ma i mangkarejohon hamalimon; sanga ise na manguji giot mangkarejohon songon i angkon mate uhumon.”

BILANGAN 3:38

Si Musa dohot si Harun, bope angka anak ni si Harun, marbandar di jolo ni Bandar Parmianan Ni Tuhan, sabola sian Habincaranna. Karejo ni halahi do marhobas padalan upacara ibadat di halak Israel, di bagasan Inganan Na Badia i. Sanga ise halak na asing na manguji mangkarejohon songon i angkon mate uhuman.

MATEUS 10:8

Pamalum hamu ma angka na marnyae. Pangolu hamu ma angka na mate. Paias hamu ma angka na puruon. Paorot hamu ma angka na hona setan. Sude kuaso i inda na nigararan umbaen na nijagitmunu i. Jadi laing songon i ma, lehen hamu ma i, ulang pola pangido hamu gararna.

JOHANNES 3:27

Dialusi si Johannes ma, “Nada tarbaen jolma mangkarejohon bagi na aha pe, anggo so dilehen Debata i disia.

EPESUS 3:8

Sian sudena na margoar halak na porsaya, au ma i tardok na umbile. Hape laing dipasahat Debata do tu au hasurungan on: I ma, anso hujamitahon Jamita Na Denggan on tu angka halak na so Jahudi paboa na adong do bahat sajo sinadongan na so ra abis di Kristus;

PANGARATAION 18:2

Nada tola marnampuna halahi di tano, songon angka marga na asing; hasangapan ni na gabe malim ni Tuhan do bagian ni halahi songon na dung dijanjihon Tuhan humani.

IBRANI 5:4

Nada adong sahalak pe na mambuat hasangapan i tu dirina sandiri, tapi na nipio ni Debata do ia dikarejo i, songon na masa tu si Harun.

JOSUA 18:7

Hum Marga Levi sajo do na so dapotan parbagian tano rap dohot hamu, angke anggo bagian ni halahi, i ma: Gabe angka malim laho mangoloi Tuhan. Jana anggo salaho tu Marga Gad, Ruben dohot Manase Parhabincaran, na dung manjagit bagianna be do halahi di Habincaran ni Jordan. Na dung dilehen si Musa, naposo ni Tuhan i do tano i di halahi.”

1 PETRUS 5:2

anso parmahani hamu punguan ni biri-biri ni Debata na nipasahat tu hamu. Sonang ma rohamunu marmahani halahi songon na nihagiotan ni Debata, ulang ma borat rohamunu. Jana ulang ma hum hara ni na giot manjalahi labo baen hamu, tapi hara ni situtu ni rohamunu ma mangoloi.

1 PETRUS 5:3

Ulang ma songon pambaen ni halak na markuaso baen hamu maradopkon halak na nipasahat tu hamu, tapi gabe tiruan na denggan ma hamu di halahi.

1 SAMUEL 2:28

Sian sasude marga ni Israel Hupili do horong ni si Harun gabe malim di Au, laho mangkobasi di langgatan, manutung dupa, dohot mamake baju efod muda mangkobari dohot Au. Jana Hulehen do tu halahi hak laho mambuat deba sian haul parhaulan na ditutung di langgatan i.