BILANGAN 18:4 - BIBEL JAMITA NA DENGGAN

⁴ Angkon markarejo halahi rap dohot ho mangkarejohon angka karejo ni halahi na mardomu tu panghobasion di Bandar ParmiananKu, tapi sanga ise na so dilehen hak tusi nada tola markarejo rap dohot ho.

BILANGAN 18:4 ပူးပေါင်းရင်းမြစ်များ

JEHESKIEL 44:14

Saonnari Husuru ma halahi mangkarejohon karejo na kasar na porlu sipatupaon di BagasKu.”

BILANGAN 1:51

Muda bungkas hamu, halak Levi i ma mambuka Bandar ParmiananKi, dung i mamasang mangulahi di inganan parbandaran na baru. Asing sian halahi, sanga ise na donok tu Bandar Parmianan angkon mate uhuman.

BILANGAN 1:53

Tapi anggo halak Levi angkon donok tu Bandar ParmiananKu do bandar ni halahi. Angkon jagoon ni halahi anso ulang adong halak na donok, anso ulang gabe muruk Au gabe Huuhumi halak Israel.”

BILANGAN 18:3

Angkon karejohonon ni halak Levi na porlu di hamu, mangkarejohon tugas ni halahi di Bandar Parmianan, tapi nada tola dais halahi tu barang Inganan Na Badia sanga di langgatan. Muda dais halahi tusi, bope ho, angkon mate.

BILANGAN 18:5

Hum ho do Harun dohot anakmu na angkon markarejo di Inganan Na Badia dohot di langgatan, anso ulang gabe marungut-ungut be Au tu bangso Israel.

BILANGAN 3:10

Si Harun dohot angka anaknia, angkatonKu ma i mangkarejohon hamalimon; sanga ise na manguji giot mangkarejohon songon i angkon mate uhumon.”

BILANGAN 31:30

Sian bagian na nilehen tu halak na bahat i, angkon buatonmunu sada sian lima pulu, bope sian halak na nitaban, bope sian lombu, halode, biri-biri dohot hambeng. Lehenon ma i sude tu halak Levi na manjago Bandar Parmianan Ni Tuhan.”

BILANGAN 8:26

Dung songon i tola do urupannia halak Levi na asing na markarejo di Bandar ParmiananKu. Tapi sada pe karejo nada tola karejohonon ni sahalak sajo. Songon i ma pangalahona aturkononmu karejo ni halak Levi.”

1 SAMUEL 6:19

Tapi hara ni na ditungkir ni halak Bet-Semes tu bagasan Poti Parjanjian ni Tuhan i, gabe hona bunu do dibaen Tuhan sian halahi pitu pulu halak. Gabe marsiluluton ma rayat i hara ni na nipadondonkon ni Tuhan sitaonon na songon i godang tu halahi.